Vaşınqton/10.08.23/Turan: ABŞ Rusiyanın "Vaqner" qüvvələrinin Belarusda diskokasiya yerini dəyişməsindən xəbərdardır və onların hərəkətlərini izləməkdə davam edir, bu barədə "TURAN"ın Vaşinqtondakı müxbiri xəbər verir.
"Əlbəttə, biz "Vaqner" qüvvələrinin Belarusa yerləşdirilməsini gördük", bunu Dövlət Departamentinin sözçüsü Metyu Miller gündəlik brifinqdə "TURAN"ın Belarusda yeni rus muzdlu düşərgəsinin yaradılması ilə bağlı suallarını cavablandırarkən deyib.
"Biz "Vaqner" qüvvələrinin digər ölkələrə qarşı atdığı hərəkətləri yaxından izləməyə davam edirik və onları məsuliyyətə cəlb etmək üçün tədbirlər görməyə davam edəcəyik", Miller deyib.
“Əvvəl dediyimiz kimi, bu qüvvələrin Belarusa gəlişi Lukaşenkonun Belarus xalqının maraq və istəklərinə zidd olaraq nəzarəti və qərarların qəbulunu Kremlə verməsinə daha bir nümunədir”, - deyə o qeyd edib.
Polşa və digər cəbhəyanı dövlətlərin Belarusdan artan təhlükə ilə necə mübarizə apardıqları barədə suala Miller deyib ki, ABŞ müttəfiqlərinin hərəkətlərini “tam dəstəkləyir”.
Çərşənbə günü Polşa Belarusla sərhədə əlavə qoşun göndərəcəyini açıqlayıb.
Eynilə, Latviya və Litva da "Vaqner" muzdlularının mövcudluğu fonunda sərhədlərini möhkəmləndirdiklərini bildiriblər. 0
Siyasət
-
Milli Şuranın üzvü Cəmil Hacıyev üzərində "Siyasi məhbuslara azadlıq!" yazılmış plakat qaldırarkən polislər onu saxlayıb. Bu, yanvarın 10-da saat 17:00 radələrində Bakı Ağır Cinayətlər Məhkəməsinin qarşısında baş verib.
-
Birləşmiş Ştatlar cümə günü Rusiyanın enerji sektoruna neft və maye qaz ixracını hədəfləyən, Moskvaya aylıq milyardlarla gəlir gətirən bizmesinə ən böyük sanksiyalarını tətbiq elədi.
-
Məşhur iqtisadçı və siyasi xadim Qubad İbadoğlunun ev dustaqlığına buraxıldıqdan sonra hüquqlarını daha da məhdudlaşdırırılıb. Onun şəxsiyyət vəsiqəsi fəaliyyətsiz edilib.
-
BAKI, Azərbaycan (Reuters) - BP-Azerbaijan Şahdəniz qaz-kondensat yatağındakı Alpha dəniz platformasında əməliyyatları qaz kondensatının nəqli üçün istifadə olunan sualtı qaz boru kəmərində baş verən texniki nasazlıq səbəbilə dayandırıb. Bu barədə şirkətin sözçüsü Tamam Bayatlı cümə günü bildirib.
Rəy yaz