![ABŞ Qubad İbadoğlunun işini yaxından izləyir - Dövlət Departamenti](https://turan.az/resized/media/2023/main/080900065279-750-500-resize.webp)
ABŞ Qubad İbadoğlunun işini yaxından izləyir - Dövlət Departamenti
Vaşinqton/10.08.23/Turan: ABŞ Dövlət Departamenti çərşənbə günü bildirib ki, azərbaycanlı iqtisadçı və hökumətin tənqidçisi Qubad İbadoğlunun işini “diqqətlə zləyir”.
Dövlət Departamentinin mətbuat katibi Metyu Miller “Washington Post”un son redaktor məqaləsini TURANa şərh edərkən deyib: “Mən xüsusi diplomatik danışıqların məzmununu açıqlamayacağam, lakin biz bu həbsi diqqətlə izləyirik”. Bu materialda Bayden administrasiyasını rəsmi Bakı ilə təmaslar zamanı İbadoğlunun dərhal azad edilməsi üçün səy göstərmək çağırışları var.
"Biz insan hüquqlarının və əsas azadlıqların təşviqinə qəti sadiq qalırıq və Azərbaycanı Azərbaycan konstitusiyasına və beynəlxalq öhdəliklərə uyğun olaraq öz vətəndaşlarının, o cümlədən Qubad İbadoğlunun insan hüquqlarını və əsas azadlıqlarını qorumağa çağırırıq", - Miller davam edib.
İbadoğlu, yaxın vaxtlara qədər Rutgers Universitetində çalışmış hörmətli iqtisadçıdır. O, Azərbaycanda demokratiya prinsipləri və sosial-iqtisadi tərəqqini müdafiə edirdi. İyulun 23-də o, Bakı yaxınlığında saxta pul hazırlamaqda ittiham edilərək həbs edilib.
Polis onun tərk edilmiş mənzilində 40 min dollar məbləğində saxta əskinas tapıldığını bildirib. O, bu ittihamı qəti şəkildə rədd edir.
İbadoğlu şəkər və hipertoniya xəstəliyindən əziyyət çəkir. "Washington Post" qəzetinin yazdığına görə, ailəsi ona dərman almağa imkan verilmədiyini və sağlamlığı üçün narahat olduqlarını bildirib.
Bir neçə ABŞ qanunvericisi, o cümlədən Senatın Xarici Əlaqələr Komitəsinin rəhbərliyi bu həftə Azərbaycan hökumətini onu dərmanla təmin etməyə və İbadoğlunu dərhal azad etməyə çağırıb. 0
-
- İqtisadiyyat
- 10 Avqust 2023 06:48
-
- Siyasət
- 10 Avqust 2023 10:16
Siyasət
-
Bakı Ağır Cinayətlər Məhkəməsində müxalif siyasətçi Tofiq Yaqublunun məhkəməsində digər təqsirləndirilən Elnur Vaqıfoğlunun ifadəsi dinlənilib.
-
Avropanın “EU Reporter” nəşri cümə günü onun siyasi redaktoru Nik Pauelin Şuşada keçirilən Qlobal Media Forumunda iştirak edərkən təbii səbəblərdən vəfat etməsi barədə məlumat yayıb.
-
43-cü gündür aclıq edən iqtisadçı Fazil Qasımovun vəziyyəti kəskin pisləşib. İyulun 26-na keçən gecə o, 1 sayl Bakı İstintaq Təcridxanasından Penitensiar Xidmətin müalicə müəssisəsinə köçürülüb. Bu barədə Turan-a onun qardaşı Nazim Qasımov bildirib.
-
İyulun 26-da Bakı Ağır Cinayətlər Məhkəməsində ictimai fəal Bəxtiyar Hacıyevin işi üzrə proses davam etdirilib. Üç şahidin ifadəsini dinləyiblər.
Rəy yaz