ABŞ və müttəfiqləri Rusiyaya qarşı yeni sanksiyaları elan edəcəklər

Vaşinqton/23.03.22/Turan: Bu həftə prezident Co Bayden və ABŞ-ın müttəfiqləri Rusiyaya qarşı yeni sanksiyaları elan edəcəklər. Bunu çərşənbə axşamı Ağ Evin milli təhlükəsizlik üzrə müşaviri Ceyk Sallivan bildirib.

Yeni sanksiyalar Dövlət Dumasında çalışan 300-dən çox rusiyalıya şamil ediləcək.

Bu həftə Bayden NATO-nun ekstren sammitinə qatılmalı, həmçinin digər G7 liderlərilə görüşməli və cümə axşamı Avropa Şurasının Belçikadakı sammitində çıxış etməlidir. Cümə günü o, prezident Anjey Duda ilə görüşmək üçün Polşaya gedəcək.

Ağ Evdə jurnalistlərin qarşısında çıxış edən Sallivan bildirib ki, Bayden Avropa enerji təhlükəsizliyinin möhkəmləndirilməsi üzrə yeni birgə tədbirlər həyata keçirməyi planlaşdırır.

"Sanksiyalar Macarıstanın Rusiyadan neft və qaz idxalına qadağa tətbiq etməkdən imtinasını zəiflədəcəkmi" sualının cavabında Sallivan deyib ki, ABŞ Budapeştə təzyiq göstərməyəcək.

Öz növbəsində ABŞ-ın energetika naziri Cennifer Qrenholm çərşənbə axşamı jurnalistlərə bildirib ki, bu həftə avropalı müttəfiqlərlə dialoqlar zamanı Vaşinqtonun məqsədlərindən biri Rusiyadan enerji asılılığının azaldılması olub.

"Təmiz enerjiyə keçid zərurəti heç vaxt bu qədər aydın olmamışdı", - o açıqlama verib. -0-