![ABŞ və müttəfiqləri Rusiyaya soyuq iqtisadi müharibə elan edir](https://turan.az/resized/media/2022/main/022600045343-750-500-resize.webp)
ABŞ və müttəfiqləri Rusiyaya soyuq iqtisadi müharibə elan edir
Vaşinqton/27.02.22/Turan: Ağ Ev şənbə günü bəyan edib ki, ABŞ və onun müttəfiqləri bəzi Rusiya banklarını əsas beynəlxalq bank sistemindən kənarlaşdıracaqlar.
“Rusiyanın Ukraynaya qarşı müharibəsi bizim müdafiə etdiyimiz İkinci Dünya Müharibəsindən sonra formalaşmış fundamental beynəlxalq qayda və normalara hücumdur”- bu ABŞ, Avropa Komissiyası, Fransa, Almaniya, İtaliya, Böyük Britaniya və Kanada liderlərinin birgə bəyanatında deyilir.
“Biz Rusiya ilə hesab çəkəcəyik və kollektiv şəkildə bu müharibənin Putin üçün strateji uğursuzluğa düçar olmasını təmin edəcəyik”.
Bayden administrasiyası və Avropa müttəfiqləri aşağıdakı tədbirləri görməyə razılaşdılar:
1) Rusiya banklarının SWIFT mesajlaşma sistemindən çıxarılmasını təmin etmək. Bu, həmin bankların beynəlxalq maliyyə sistemindən qopmasını təmin edəcək və onların qlobal miqyasda fəaliyyət imkanlarına xələl gətirəcək.
2) Rusiya Mərkəzi Bankının beynəlxalq ehtiyatlarından bizim sanksiyalarımızı pozmaq üçün istifadə etməsinə mane olacaq məhdudlaşdırıcı tədbirlər tətbiq etmək.
3) Ukraynada müharibəyə və Rusiya hökumətinin zərərli fəaliyyətinə töhfə verən şəxslərə və təşkilatlara qarşı hərəkət etmək. Xüsusilə, biz Rusiya hökuməti ilə əlaqəsi olan varlı ruslara ölkələrimizin vətəndaşı olmağa imkan verən “qızıl pasportlar” adlanan vətəndaşlığın verilməsini dayandırırıg.
4) sanksiyaya məruz qalan şəxslərin və şirkətlərin aktivlərini müəyyən edib dondurmaqla maliyyə sanksiyalarımızın effektiv icrasını təmin etmək üçün gələn həftə transatlantik işçi qrupunu işə salaq.
Bu səylərin bir hissəsi olaraq, “biz Rusiya hökumətinə yaxın olan Rusiya məmurlarına və elitasına, habelə onların ailələrinə və tərəfdaşlarına qarşı sanksiyalar və digər məcburi tədbirlər tətbiq edərək, onların ölkələrimizdə saxladıqları aktivləri müəyyən edib donduracağıq”.
“Nəhayət, dezinformasiyaya və hibrid müharibənin digər formalarına qarşı koordinasiyamızı gücləndirəcəyik”.
“Biz bu çətin zamanda Ukrayna xalqını dəstəkləyirik. Bu gün elan etdiyimiz tədbirlərdən əlavə, biz Rusiyanın Ukraynaya hücumuna görə cavabdehlik daşımaq üçün əlavə tədbirlər görməyə hazırıq”, - deyə Qərbin liderləri bəyanatda bildiriblər. -0-
Siyasət
-
Bakı Ağır Cinayətlər Məhkəməsində müxalif siyasətçi Tofiq Yaqublunun məhkəməsində digər təqsirləndirilən Elnur Vaqıfoğlunun ifadəsi dinlənilib.
-
Avropanın “EU Reporter” nəşri cümə günü onun siyasi redaktoru Nik Pauelin Şuşada keçirilən Qlobal Media Forumunda iştirak edərkən təbii səbəblərdən vəfat etməsi barədə məlumat yayıb.
-
43-cü gündür aclıq edən iqtisadçı Fazil Qasımovun vəziyyəti kəskin pisləşib. İyulun 26-na keçən gecə o, 1 sayl Bakı İstintaq Təcridxanasından Penitensiar Xidmətin müalicə müəssisəsinə köçürülüb. Bu barədə Turan-a onun qardaşı Nazim Qasımov bildirib.
-
İyulun 26-da Bakı Ağır Cinayətlər Məhkəməsində ictimai fəal Bəxtiyar Hacıyevin işi üzrə proses davam etdirilib. Üç şahidin ifadəsini dinləyiblər.
Rəy yaz