![Açiq mənbələrdən foto.](https://turan.az/resized/750/500/resize/media/2022/main/042700044130.webp)
Açiq mənbələrdən foto.
ABŞ və müttəfiqləri Ukraynaya dəstəyi artırır
Vaşinqton/27.04.22/Turan: ABŞ Rusiya prezidenti Vladimir Putinin diplomatik yolla Ukraynada müharibəyə son qoyacağının dəlilini görmür. Bu barədə dövlət katibi Entoni Blinken bildirib, xəbəri Turan-ın Vaşinqtondakı müxbiri verib.
"Bu gün biz prezident Putinin məzmunlu danışıqlara ciddi yanaşdığının heç bir əlamətini görmürük", deyə o, çərşənbə axşamı Senatın beynəlxalq münasibətlər komitəsi qarşısında çıxışında bildirib.
"Bizim məqsədimiz ukraynalıların Rusiyanın təcavüzünü dəf etmək və danışıqlar masası arxasında öz mövqeyini möhkəmləndirmək imkanına malik olmasından ibarətdir", deyə o bildirib.
ABŞ və müttəfiqləri cəld hərəkət edəcəklərini və Ukrayna silahlı qüvvələrinə güclü yardım göstərəcəklərini, Rusiyaya iqtisadi təzyiqi artıracaqlarını göstəriblər. Belə ki, çərşənbə axşamı Almaniya Ukraynaya ilk dəfə ağır silah göndərəcəyini elan edib. Bu xəbər Britaniya hökumətinin Ukraynaya zenit raketləri ilə təchiz edilmiş Stormer zirehli maşınları verəcəyi haqqında məlumatının ardınca gəlib.
ABŞ-ın müdafiə naziri Ostin çərşənbə axşamı ABŞ-ın Almaniyadakı aviabazasında 40 ölkənin rəsmiləri ilə görüşündə belə deyib: "Putin heç vaxt bütün dünyanın belə sürətlə Ukrayna ətrafında birləşəcəyini düşünməyib. Ukraynalılar bilməlidirlər ki, biz hamımız onların arxasındayıq", deyə Pentaqon rəhbəri bildirib.
Onun sözlərinə görə, Ukraynanı dəstəkləyənlər "Ukraynanın qalib gəlməsinə kömək etmək üçün" gələcək yardımı əlaqələndirmək məqsədilə hər ay görüşəcəklər.
Öz növbəsində, Dövlət Departamentinin rəsmi nümayəndəsi Ned Prays da təsdiq edib ki, Vaşinqton Ukraynanın Rusiyaya qalib gəlməsini istəyir. Biz hesab edirik ki, bu müharibə dialoq və diplomatiya yolu ilə başa çatmalıdır və biz ardıcıl olaraq bildirirdik ki, Ukrayna ilə tam əlaqələndirilərək görülən diplomatik səyləri dəstəkləyirik", deyə o, gündəlik brifinqdə Turan-ın müxbirinə bildirib.
Prays həmçinin xatırladıb ki, ABŞ sanksiyalar, viza və ixrac məhdudiyyətləri ilə Moskvaya təsir göstərir. "Biz belə bir qərara gəldik ki, Moskva vəziyyəti gərginləşdirdikcə biz sanksiyalarımızı gücləndirəcəyik", deyə o bildirib. -25B-
Siyasət
-
İyulun 26-da “III Respublika Platforması” bəyanat yayaraq, bu qurumun həbsdə olan rəhbəri Akif Qurbanovun azyaşlı uşaqlarının elektron cihazlarının qanunsuz ələ keçirilməsinə diqqət çəkiblər.
-
İyulun 19-dan iyulun 26-dək Xankəndidə 24 avtomat, 1 pulemyot, 9 tüfəng, 28 qumbara, 441 mərmi, 3118 müxtəlif çaplı patron və digər döyüş sursatları aşkar edilib, bu barədə Daxili İşlər Nazirliyi məlumat yayıb.
-
Prezident İlham Əliyev fərmanla müdafiə sahəsində hərbi kəşfiyyat sahəsində əməkdaşlıq haqqında Azərbaycan-Qazaxıstan hökumətlərarası sazişi təsdiq edib.
-
Bakı Ağır Cinayətlər Məhkəməsində müxalif siyasətçi Tofiq Yaqublunun məhkəməsində digər təqsirləndirilən Elnur Vaqıfoğlunun ifadəsi dinlənilib.
Rəy yaz