Açiq mənbələrdən foto.
Abşeron rayon İH-nin məmurları həbs edilib
Bakı/24.06.20/Turan: Abşeron rayon İcra Hakimiyyətinin iki vəzifəli şəxsi rüşvət alma və rüşvət verməyə təhrik etmə ittihamı ilə həbs edilib.
Baş Prokurorluğun mətbuat xidmətinin məlumatına görə, Azərbaycan Baş prokuroru yanında Korrupsiyaya qarşı Mübarizə Baş İdarəsinin “161–Qaynar xətt” əlaqə mərkəzinə Abşeron rayon icra hakimiyyətinin vəzifəli şəxslərinin qanunsuz əməlləri barədə daxil olmuş müraciətlər əsasında araşdırma başlayıb.
Həyata keçirilən əməliyyat-istintaq tədbirləri ilə Abşeron rayon icra hakimiyyəti Memarlıq və tikinti şöbəsinin müdiri (baş memar) Akif Əliyev vətəndaşa tikinti üçün icra hakimiyyətinə layihə təqdim etmədən, tikintiyə icazə üçün rəsmi qaydada müraciət olunmadan tikinti aparmaqda ümumi himayədarlıq edəcəyini bildirdiyi müəyyən edilib.
Abşeron rayon icra hakimiyyəti Mənzil Kommunal Təsərrüfat Birlyinin Xırdalan şəhəri 3 saylı Mənzil Təsərrüfat İstehsalat İstismar təmir sahəsinin rəisi Murad Əhmədovun vasitəsilə Akif Əliyevin 3000 manat məbləğində pul vəsaitini rüşvət qismində istəyib almasına şübhələr yaranıb.
Akif Əliyevə qarşı Cinayət Məcəlləsinin 311.2-ci (rüşvət alma), Əhmədova qarşı isə 312.4, 312.1 (rüşvət verməyə təhrik etmə) və digər maddələri ilə ittiham irəli sürülüb. Hər ikisi barəsində həbs qətimkan tədbiri seçilib. -06D-
-
- Cəmiyyət
- 24 İyun 2020 13:32
-
- İqtisadiyyat
- 24 İyun 2020 14:13
Siyasət
-
İyulun 26-da “III Respublika Platforması” bəyanat yayaraq, bu qurumun həbsdə olan rəhbəri Akif Qurbanovun azyaşlı uşaqlarının elektron cihazlarının qanunsuz ələ keçirilməsinə diqqət çəkiblər.
-
İyulun 19-dan iyulun 26-dək Xankəndidə 24 avtomat, 1 pulemyot, 9 tüfəng, 28 qumbara, 441 mərmi, 3118 müxtəlif çaplı patron və digər döyüş sursatları aşkar edilib, bu barədə Daxili İşlər Nazirliyi məlumat yayıb.
-
Prezident İlham Əliyev fərmanla müdafiə sahəsində hərbi kəşfiyyat sahəsində əməkdaşlıq haqqında Azərbaycan-Qazaxıstan hökumətlərarası sazişi təsdiq edib.
-
Bakı Ağır Cinayətlər Məhkəməsində müxalif siyasətçi Tofiq Yaqublunun məhkəməsində digər təqsirləndirilən Elnur Vaqıfoğlunun ifadəsi dinlənilib.
Rəy yaz