![Açiq mənbələrdən foto.](https://turan.az/resized/media/2023/main/102400068453-750-500-resize.webp)
Açiq mənbələrdən foto.
Ağ Ev bildirib ki, İran ABŞ hərbi bazalarına hücumlara “fəal yardım edir”
Vaşinqton/24.10.23/Turan: Bazar ertəsi Ağ Ev bildirib ki, İran öz proksi-qruplarının ABŞ-ın İraq və Suriyadakı hərbi bazalarına raket və pilotsuz hücumlarına "fəal kömək edib". Söhbət bazar günü İranın proksi- qruplarının Yaxın Şərqdə Amerika silahlı qüvvələrinin yerləşdiyi bir neçə bazaya raket hücumundan gedir.
Prezident Co Bayden Pentaqona tapşırıb ki, buna lazımi reaksiya verməyə hazırlaşsın. Bu barədə ABŞ Milli Təhlükəsizlik Şurasının üzvü Con Kirbi gündəlik brifinqdə bildirib.
"Biz bilirik ki, İranın məqsədi regionda gərginliyin olmasıdır, ancaq biz onlara bunu etməyə imkan verməyəcəyik. Həmçinin bizim maraqlarımıza qarşı hər hansı təhlükənin cəzasız qalmasına imkan verməyəcəyik",- o qeyd edib.
Kirbi Turan-ın sualının cavabında deyib ki, "Bayden administrasiyası hər zaman İranın sabitliyi pozan davranışını və onun regiona yaratdığı təhlükəni nəzərə alıb".
"Odur ki, 40-a yaxın sanksiya tətbiq etdik və regionda hərbi iştirakımızı möhkəmləndirdik. HƏMAS ilə müharibə başlamadan əvvəl Fars körfəzindəki hərbi-dəniz və hava potensialını gücləndirdik, hava və raket sistemlərinə inteqrasiya etmək üçün müttəfiqlər və tərəfdaşlarla işləyirik", - o deyib.
Sonda o, ABŞ-ın "İranı məsuliyyətə cəlb edəcəyinə" işarə edib, lakin bunun necə olacağının detallarını açıqlamayıb. 0
Siyasət
-
Azərbaycan pasportu 2024-cü ilin birinci yarısı üçün Henley& Partners pasport indeksində 69-cü yerə yüksəlməklə nəzərəçarpacaq dərəcədə yaxşılaşıb. Pasport sahiblərinə təqdim olunan vizasız istiqamətlərin hesablanması yoluyla qlobal mobilliyi qiymətləndirən bu indeks beynəlxalq səyahətlər azadlığı sahəsində Azərbaycanın irəlilyişini önə çəkir.
-
Keçmiş diplomat Emin İbrahimov 3-cü gündür ki, Şüvəlan İstintaq Təcridxanasında aclıq edir. O, əsassız həbs olunmasına etiraz edir.
-
1-ci qrup əlil, həbsdə saxlanılan ictimai fəal Famil Xəlilovun cinayət işi üzrə ibtidai istintaq başa çatıb. Bu gün, iyulun 26-da müstəntiq istintaq təcridxanasına gedib ibtidai istintaqın başa çatdığını elan edəcək və müdafiə tərəfi cinayət işinin materilaları ilə tanış olmağa başlayacaq. Bu barədə vəkil Fəxrəddin Mehdiyev bildirib.
-
Ermənistan Azərbaycanın sülh müqaviləsi layihəsi ilə bağlı son təkliflərinə cavab verib. Bunu iyulun 25-də Ermənistan Xarici İşlər Nazirliyinin mətbuat katibi Ani Badalyan bildirib.
Cəmiyyətdə aqressiyanın artmasının səbəbi nədir? – Samirə Qasımlı Çətin sualda
Xəbər lenti
-
- Cəmiyyət,
- 13:36
- 141
Rəy yaz