Açiq mənbələrdən foto.
Bakı/30.10.23/Turan: Prezident İlham Əliyev İranla Zəngilan rayonunun Ağbənd qəsəbəsi arasında Araz çayı üzərində körpünün tikintisi haqqında sərəncam imzalayıb. Bu məqsədlər üçün prezidentin 2023-cü il üçün dövlət büdcəsindəki Ehtiyat Fondundan Avtomobil Yolları Dövlət Agentliyinə 14 milyon manat ayrılır.
Ağbənd qəsəbəsi ərazisində avtomobil körpüsünün və sərhəd-gömrük infrastrukturunun təməli oktyabrın 6-da Azərbaycan baş nazirinin müavini Şahin Mustafayev və İranın yollar və şəhərsalma naziri Mehrdad Bazrpaşın iştirakı ilə qoyulub.
Körpünün tikintisi Azərbaycanın Şərqi Zəngəzur iqtisadi rayonu ilə Naxçıvan Muxtar Respublikası arasında yeni kommunikasiya əlaqələrinin yaradılması haqqında hökumətlərarası memorandumun reallaşması çərçivəsində həyata keçirilir.
Körpünün buraxılış qabiliyyəti sutkalıq 1,1 min avtomobil, 30 avtobus və 15 min nəfər olacaq.
Qeyd edək ki, Ağbənd körpüsü Azərbaycandan Naxçıvan Muxtar Respublikasına nəqliyyat dəhlizinin tərkib hissəsidir. 06B
Siyasət
-
2025-ci il fevralın 15-də və 18-də Day.az saytında Turan İnformasiya Agentliyinin fəaliyyəti ilə bağlı böhtan xarakterli iddialar irəli sürülən məqalələr dərc edilib. Bu materiallarda müəllif agentliyi Qərb maliyyəsindən asılı və xarici strukturların maraqlarına tabe olan bir qurum kimi təqdim etməyə cəhd edir.
-
Moldova Xarici İşlər Nazirliyi mədəniyyət mərkəzlərinin yaradılması və fəaliyyət göstərməsi ilə bağlı 1998-ci il tarixli Moldova-Rusiya sazişinə birtərəfli qaydada xitam verilməsi barədə qərar qəbul edib.
-
Dövlət başçısının sərəncamı ilə Rüfət Mahmud “İçərişəhər” Dövlət Tarix-Memarlıq Qoruğu İdarə Heyətinin sədri təyin edilib.
-
Fevralın 13-də Apellyasiya Məhkəməsi jurnalist Şahnaz Bəylərqızının həbsilə bağlı Xətai Rayon Məhkəməsinin qərarından müdafiə tərəfinin şikayətini təmin etməyib.
Rəy yaz