Низамеддин Гулиев
Bakı/08.09.21/Turan: Ağstafa Rayon İcra Hakimiyyətinin keçmiş başçısı Nizaməddin Quliyev Gəncə İstintaq Təcridxanasında koronavirusdan vəfat edib. Məlumatı Penitensiar Xidmətdə təsdiqləyiblər.
Quliyev 2019-cu ilin dekabrında rayonun bir sıra digər məmurları ilə birlikdə həbs edilib.
Bu il avqustun 7-də Gəncə Ağır Cinayətlər Məhkəməsi onu 9 il, onun müavini Ramiz Tatarovu isə 8,5 il müddətinə azadlıqdan məhrum edib. Onlar "külli miqdarda mənimsəmə", "külli miqdarda rüşvət alma" və "xidməti səlahiyyətlərdən sui-istifadə"də təqsirli biliniblər.
Məhkəmə həmçinin cinayət yolu ilə əldə edilmiş və istintaqın həbs etdiyi əmlakın dövlətin xeyrinə müsadirə olunması barədə qərar qəbul edib.
Quliyev 2019-cu ilin aprelində Ağstafa Rayon İcra Hakimiyyətinin başçısı vəzifəsinə təyin edilib. Bundan öncə on il Goranboy rayonuna rəhbərlik edib.—06D-
Siyasət
-
Yanvarın 24-də Bakı Apellyasiya Məhkəməsində jurnalist Fərid İsmayılovun həbsindən şikayətə baxılıb.
-
2024-cü ildə Azərbaycanda insan hüquqları ilə bağlı vəziyyət jurnalistlərə, fəallara və dindarlara qarşı repressiyaların artması ilə xarakterizə olunub. Bu barədə "Müdafiə xətti" qeyri-hökumət təşkilatının illik hesabatında deyilir. Sənədi yanvarın 24-də bu qurumun üzvü, hüquq müdafiəçisi Zəfər Əhmədov təqdim edib.
-
Yanvarın 24-də Səbail Rayon Məhkəməsində “Kanal-13” İnternet- nəşrin rəhbəri Əziz Orucovun işi üzrə proses davam edib.
-
Yanvarın 24-də Azərbaycan müdafiə nazirinin müavini, Quru Qoşunları komandanı general-polkovnik Hikmət Mirzəyev Türkiyəyə rəsmi səfərə gedib.
Rəy yaz