Açiq mənbələrdən foto.
Bakı/22.06.20/Turan: İyunun 22-dən etibarən Azərbaycandan və Avropa Ətraf Mühit Agentliyindən olan su ekspertləri EkoPortal-ın idarə edilməsi üzrə onlayn potensialın formalaşdırılması təlimi keçirəcəklər. Bu barədə Aİ-nin Azərbaycan Nümayəndəliyinin məlumatında deyilir.
Treninqin əsas mərkəzi ətraf mühit, o cümlədən su mənbələri, ekosistem haqqında məlumatın yayılmasıdır.
Məlumatda qeyd edilir ki, Azərbaycan su çatışmazlığından əziyyət çəkir və buna görə sudan səmərəli istifadə olunması və şirin su ekosistemlərinin mühafizəsi olduqca vacibdir. Azərbaycanın EkoPortalı ölkədə biliklərə əsaslanan qərar qəbul edilməsi üçün əsas yaratmaq məqsədilə su ehtiyatlarının idarə olunmasına cavabdeh qurumlar arasında məlumat və informasiyanın paylaşılmasına dəstək verəcəkdir.
Portaldakı məlumat Azərbaycanda su ehtiyatlarının vəziyyətini qonşu ölkələrlə, habelə Aİ üzvü olan ölkələrlə müqayisə etməyə imkan verəcək.
Sistemin funksionallığı və EkoPortalın dizaynı Avropa Su İnformasiyası Sistemindən (WISE) ilhamlanaraq tərtib edilmişdir. Avropa İttifaqının bütün Üzv Dövlətləri özlərinin su ilə əlaqədar məlumatları barədə bu sistemə hesabat verir və informasiyanı paylaşırlar. -71D-
Siyasət
-
İyulun 26-da “III Respublika Platforması” bəyanat yayaraq, bu qurumun həbsdə olan rəhbəri Akif Qurbanovun azyaşlı uşaqlarının elektron cihazlarının qanunsuz ələ keçirilməsinə diqqət çəkiblər.
-
İyulun 19-dan iyulun 26-dək Xankəndidə 24 avtomat, 1 pulemyot, 9 tüfəng, 28 qumbara, 441 mərmi, 3118 müxtəlif çaplı patron və digər döyüş sursatları aşkar edilib, bu barədə Daxili İşlər Nazirliyi məlumat yayıb.
-
Prezident İlham Əliyev fərmanla müdafiə sahəsində hərbi kəşfiyyat sahəsində əməkdaşlıq haqqında Azərbaycan-Qazaxıstan hökumətlərarası sazişi təsdiq edib.
-
Bakı Ağır Cinayətlər Məhkəməsində müxalif siyasətçi Tofiq Yaqublunun məhkəməsində digər təqsirləndirilən Elnur Vaqıfoğlunun ifadəsi dinlənilib.
Rəy yaz