Açiq məmbələrdən foto.
Bakı/07.05.20/Turan: Mayın 7-də Avropa İnsan Hüquqları Məhkəməsi jurnalist Xədicə İsmayılovanın işi üzrə növbəti qərarını elan edib.
2014-cü ildə İsmayılova Avropa İnsan Hüquqları Konvensiyasının şəxsi həyatın toxunulmazlığı (8-ci maddə) və ədalətli məhkəmə (6-cı maddə) hüquqlarının pozulmasından şikayət verib. Məhkəmə jurnalistin şikayətini təmin edib və Azərbaycan hökumətinin üzərinə ona mənəvi ziyana görə 6 min avro təzminat ödəmək öhdəliyi qoyub.
Məhkəmənin qərarında deyilir ki, bu iş Azərbaycanın hökumətyönlü KİV-lərində İsmayılovanın ləyaqətinə ləkə gətirən nəşrlərlə bağlıdır. Yerli məhkəmələr onun bu KİV-lərdə təhqirdən verdiyi şikayətləri təmin etməyib.
Xatırladaq ki, 2014-cü il dekabrın 5-də İsmayılova vergi ödənişindən yayınma və qanunsuz sahibkarlıq ittihamı ilə həbs edilib. Məhkəmə onu 7 il yarım müddətinə azadlıqdan məhrum edib.
Ölkənin ali məhkəməsi 2016-cı ilin mayında onun azadlıqdan məhrumetmə müddətini 5 il sınaq müddəti olmaqla, 3 il yarım şərti azadlıqdan məhrumetmə cəzası ilə əvəz edib və həbsdən azad edib. Sonradan bu müddət 2 il 3 aya qədər azaldılıb. -16D-
Siyasət
-
COP29 iqlim sammitində əldə edilən razılaşma BMT Baş Katibi Antoniu Quterreş tərəfindən iqlim dəyişikliyinə qarşı qlobal səylərdə mühüm addım kimi qiymətləndirilib. Yüksək səviyyəli müzakirələrin yekununda çıxış edən Quterreş, bu razılaşmanın qlobal istiləşməni 1,5°C həddində saxlamaq məqsədini qorumaq üçün həlledici olduğunu vurğulayıb. Bu hədd iqlim dəyişikliyinin ən pis təsirlərini qarşısını almaq üçün kritik hesab olunur.
-
Noyabrın 23-də Bakıda BMT-nin İqlim Dəyişmələri üzrə Çərçivə Konvensiyasının Tərəflər Konfransının 29-cu sessiyasının (COP29) keçirildiyi məkanda müxtəlif ölkələrdən olan ekofəlallr liderlərin kifayət qədər iqlim maliyyəsi ödənilməsi barədə razılığa gələ bilməməsinə etiraz olaraq aksiya keçirib.
-
Bakıda COP29 iqlim konfransının bağlanışı ərəfəsində Beynəlxalq Jurnalistləri Müdafiə Komitəsi Azərbaycanda həbs olunmuş jurnalistlərin cinayət işlərinə diqqəti yönəldib.
-
Bakıda keçirilən BMT-nin İqlim Dəyişikliyi üzrə Çərçivə Konvensiyasının (UNFCCC) 29-cu sessiyası üzrə danışıqlar 24 noyabr tarixinə qədər uzadılıb. Bu barədə UNFCCC Katibliyindən bir mənbə Turan informasiya agentliyinə məlumat verib. Mənbənin sözlərinə görə, iştirakçılar həmin tarixə qədər yekun sənədləri razılaşdırıb imzalamağı planlaşdırırlar.
Rəy yaz