Açiq mənbələrdən foto.
Bakı/21.09.23/Turan: Avropa İnsan Hüquqları Məhkəməsi (AİHM) Azərbaycanda həbsdə olan müxalifətçi Qubad İbadoğlunun şikayətini təmin edib. Bu barədə Turana siyasətçinin qardaşı Qalib Toğrul məlumat verib.
Sentyabrın 20-də qəbul edilən qərara əsasən, Azərbaycan hökuməti Q.İbadoğlunun ixtisaslaşdırılmış klinikada müayinə və müalicəsini aparmalıdır. Eyni zamanda, səlahiyyətli orqanlar müalicənin nəticələri barədə mütəmadi olaraq AİHM-ə məlumat verməlidirlər.
Qubad İbadoğlunun vəkilləri lazımi tibbi yardım göstərilmədiyi üçün avqustun sonunda AİHM-ə şikayət edib.
*İyulun 24-də Bakının Nərimanov Rayon Məhkəməsi Qubad İbadoğlunu saxta pul hazırlamaqda ittiham edərək 3 ay 26 gün müddətinə həbs edib. Azərbaycan Daxili İşlər Nazirliyi İbadoğlunun Türkiyədə 2016-cı ildə dövlət çevrilişinə cəhddə ittiham olunan Fətullah Gülənin tərəfdarları ilə əlaqədə olduğunu bəyan edib. Avqustun 25-də ona qarşı yenidən “dini ekstremist materialların hazırlanması, saxlanması və ya yayılması” maddəsi ilə ittiham irəli sürülüb.
Qubad İbadoğlu ittihamları absurd hesab edərək rədd edir. Bir çox beynəlxalq təşkilatlar və rəsmilər rəsmi Bakını siyasətçini dərhal azad etməyə çağırıb. 06B
Siyasət
-
Demokratik Qüvvələrin Milli Şurası tərəfindən tərtib edildiyi iddia edilən saxta sənəd ətrafında qalmaqal 2013-cü ildə Azərbaycanda keçirilmiş prezident seçkilərində siyasi müdaxilə və manevrlərlə bağlı suallar doğurub.
-
Fransa Xarici İşlər Naziri Jan-Noel Barro şənbə günü Azərbaycanı Yeni Kaledoniya və digər Fransız dənizaşırı ərazilərində vəziyyəti qeyri-sabitləşdirməyə cəhd etməkdə ittiham edib. Sosial media platforması X-də etdiyi açıqlamada Barro bildirib: "Bakı qrupu bir daha Yeni Kaledoniyada milli siyasi həyatımızı qeyri-sabitləşdirməyə çalışıb. Azərbaycanın dənizaşırı ərazilərimizdəki bu mənasız cəhdləri qəbuledilməzdir və dərhal dayandırılmalıdır."
-
Azərbaycanın müdafiə nazirinin müavini və Quru Qoşunlarının komandanı, polkovnik-general Hikmət Mirzəyev Türkiyəyə rəsmi səfəri çərçivəsində Türkiyə Silahlı Qüvvələrinin Baş Qərargah rəisi, general Metin Gürak ilə görüşüb.
-
Bakı-Moskva münasibətlərində AZALın təyyarə qəzasından sonra başlayan soyuqluq, deyəsən, güclənir. Bakı getdikcə tez-tez Moskvaya təyyarənin qəzaya uğramasının və vətəndaşlarının həlak olmasının üstünü örtməyə imkan verməyəcəyini göstərir.
Rəy yaz