Açiq mənbələrdən foto.
Müdafiə Nazirliyi sülhməramlıların həlak olması ilə əlaqədar başsağlığı verib
Bakı/21.09.23/Turan: Sentyabrın 20-si Canyataq yaşayış məntəqəsi yaxınlığında Rusiya Federasiyasının sülhməramlı kontingentinə məxsus UAZ Patriot avtomobilinin atəşə tutulması nəticəsində sülhməramlı kontingentin hərbi qulluqçularının faciəvi şəkildə həlak olması faktı qeydə alınıb.
Hadisənin bütün baş verməsi səbəblərini araşdırmaq üçün Azərbaycan və Rusiyanın istintaq orqanları yerində əməkdaşlıq şəraitində çalışırlar.
"Baş vermiş hadisədən təəssüf hissi keçirir, Rusiya Federasiyasının Müdafiə Nazirliyinin rəhbərliyi, Rusiya sülhməramlı kontingentinin komandanlığı və həlak olmuş hərbi qulluqçuların ailələri və yaxınlarına dərin hüznlə başsağlığı verir, səbir diləyirik", deyə Azərbaycan Müdafiə Nazirliyinin məlumatında bildirilir.
Neçə nəfərin və hansı şərtlərdə həlak olduğu açıqlanmır.
Bu arada, mənbələrdə həlak olanlardan biri haqqında məlumat yayılıb. Bu, birinci dərəcəli kapitan, sülhməramlıların hərbi-siyasi iş üzrə komandir müavini İvan Kovqandır. Onun daimi xidmət yeri RF-nin Şimal Donanması idi, o, Şimal Donanmasının sualtı qüvvələr komandirinin hərbi-siyasi iş üzrə müavini vəzifəsini tuturdu. Bu barədə "Sever Post" nəşri məlumat yayıb. 0
Siyasət
-
İyulun 26-da “III Respublika Platforması” bəyanat yayaraq, bu qurumun həbsdə olan rəhbəri Akif Qurbanovun azyaşlı uşaqlarının elektron cihazlarının qanunsuz ələ keçirilməsinə diqqət çəkiblər.
-
İyulun 19-dan iyulun 26-dək Xankəndidə 24 avtomat, 1 pulemyot, 9 tüfəng, 28 qumbara, 441 mərmi, 3118 müxtəlif çaplı patron və digər döyüş sursatları aşkar edilib, bu barədə Daxili İşlər Nazirliyi məlumat yayıb.
-
Prezident İlham Əliyev fərmanla müdafiə sahəsində hərbi kəşfiyyat sahəsində əməkdaşlıq haqqında Azərbaycan-Qazaxıstan hökumətlərarası sazişi təsdiq edib.
-
Bakı Ağır Cinayətlər Məhkəməsində müxalif siyasətçi Tofiq Yaqublunun məhkəməsində digər təqsirləndirilən Elnur Vaqıfoğlunun ifadəsi dinlənilib.
Rəy yaz