Strasburq/20.09.18/Turan: Avropa İnsan Hüquqları Məhkəməsi (AİHM) sentyabrın 20-də məşhur Azərbaycan hüquqşünası və hüquq müdafiəçisi İntiqam Əliyevin işi üzrə qərarı elan edib.
AİHM-nin rəsmi məlumatına görə, məhkəmə Əliyevin Avropa İnsan Hüquqları Konvensiyasının 5.1, 5.4-cü (azadlıq və şəxsi toxunulmazlıq hüququ) və 18-ci (hüquqların məhdudlaşdırılması həddi) maddələri üzrə hüquqlarının pozulduğunu etiraf edib.
Strasburq Məhkəməsi ərizəçiyə mənəvi ziyana görə 20 min avro təzminat və məhkəmə xərcləri üçün 6150 avro ödənilməsinə qərar verib.
Beləliklə, məhkəmə hüquq müdafiəçisinin 2014-cü ilin avqustunda həbsini qanunsuz hesab edib və Əliyevin cinayət təqibinin onu susdurmaq və hüquqları ölkə hökuməti tərəfindən pozulan Azərbaycan vətəndaşlarının hüquqlarının müdafiəsinə görə cəzalandırmaq məqsədi daşıdığı qənaətinə gəlib.
Xatırladaq ki, İntiqam Əliyev 2014-cü il avqustun 8-də iqtisadi cinayətlər törətmək ittihamı ilə həbs edilib və 7,5 il müddətinə azadlıqdan məhrum edilib. O, bütün ittihamları təkzib edib və onları siyasi motivli adlandırıb.
Amnesty İnternational Əliyevi "vicdan məhbusu" kimi tanıyıb. Beynəlxalq ictimaiyyətin təzyiqi ilə Əliyev 2016-cı ilin martında şərti azadlığa buraxılıb. -16D-
Siyasət
-
Ermənistanın Baş naziri Nikol Paşinyan hökumət iclasında gözlənilməz bir açıqlama verərək, Azərbaycanla strateji sazişin imzalanmasının vacibliyini vurğulayıb. Onun sözlərinə görə, iki ölkənin gələcəkdə dinc yanaşı mövcudluğu növbəti yüz il ərzində təmin edilməlidir və bu məsələnin həlli hər iki tərəf üçün ən əsas və fundamental məsələdir.
-
BMT-nin İqlim Dəyişikliyi üzrə Konfransının (COP29) 29-cu sessiyasında açıqlanan yeni iqlim proqramlarının maliyyələşdirilməsi üzrə razılaşma layihəsi, iqlim dəyişikliyinin təsirlərinə uyğunlaşmaq və iqlim müdafiəsi tədbirləri üçün illik ən azı 1,3 trilyon dollar (1,23 trilyon avro) ayrılmasını təklif edir. Çərşənbə günü açıqlanan 34 səhifəlik sənəd, inkişaf etməkdə olan ölkələrin maraqlarını nəzərə alaraq hazırlanıb, lakin bəzi mübahisəli məsələlər hələ də həll edilməyib, AFP bildirir.
-
Noyabrın 13-də Beynəlxalq Qırmızı Xaç və Əfqanıstan Taliban Hərəkatının nümayəndələri COP29 konfransı çərçivəsində Bakıda danışıqlar aparıblar.
-
Həbsdə olan ictimai fəal, birinci qrup əlil Famil Xəlilovun xanımı Kiçikxanım Xəlilova noyabrın 13-də COP29 konfransı zamanı izlənməyə məruz qalıb.
Rəy yaz