![AİHM jurnalist H.Mehdiyevə kompensasiya ödənilməsi barədə qərar çıxarıb](https://turan.az/resized/media/2019/main/103100022755-750-500-resize.webp)
AİHM jurnalist H.Mehdiyevə kompensasiya ödənilməsi barədə qərar çıxarıb
Bakı/31.10.19/Turan: Avropa İnsan Hüquqları Məhkəməsi bu gün Naxçıvandan olan jurnalist Həkimeldostu Mehdiyevin şikayəti ilə bağlı qərar qəbul edib.
Məhkəmə ona 2 min avro kompensasiya ödənilməsinə qərar verib.
Şikayət 2011-ci ildə elektrik enerjisindən istifadəyə görə ona cərimə kəsilməsi ilə bağlı verilib.
Məhkəmənin qərarını “ədalətli” adlandıran Mehdiyev xatırladıb ki, 2011-ci ildə ona guya elektrik enerjisindən qanunsuz istifadəyə görə əsassız olaraq pul cəriməsi təyin ediblər. Belə ki, Şərur məhkəməsi onu 189-1.1-ci (elektrik enerjisinin talanması) maddə ilə təqsirli bilərək, 1000 manat cərimə edib.
Yerli məhkəmələr jurnalistin şikayətini təmin etməyib və o, ədalətli məhkəmə təhqiqatı hüququnun pozulması haqqında şikayətlə AİHM-ə müraciət edib.
Mehdiyev Azərbaycanın Naxçıvan Muxtar Respublikasında insan hüquqları ilə bağlı problemlər haqqında tənqidi nəşrləri ilə məşhurdur. -06В-
Siyasət
-
İyulun 26-da “III Respublika Platforması” bəyanat yayaraq, bu qurumun həbsdə olan rəhbəri Akif Qurbanovun azyaşlı uşaqlarının elektron cihazlarının qanunsuz ələ keçirilməsinə diqqət çəkiblər.
-
İyulun 19-dan iyulun 26-dək Xankəndidə 24 avtomat, 1 pulemyot, 9 tüfəng, 28 qumbara, 441 mərmi, 3118 müxtəlif çaplı patron və digər döyüş sursatları aşkar edilib, bu barədə Daxili İşlər Nazirliyi məlumat yayıb.
-
Prezident İlham Əliyev fərmanla müdafiə sahəsində hərbi kəşfiyyat sahəsində əməkdaşlıq haqqında Azərbaycan-Qazaxıstan hökumətlərarası sazişi təsdiq edib.
-
Bakı Ağır Cinayətlər Məhkəməsində müxalif siyasətçi Tofiq Yaqublunun məhkəməsində digər təqsirləndirilən Elnur Vaqıfoğlunun ifadəsi dinlənilib.
Rəy yaz