Açiq mənbələrdən foto.
AİHM jurnalist Rauf Mirqədirovun hüquqlarının pozulduğunu tanıyıb
Bakı/17.09.20/Turan: Sentyabrın 17-də Avropa İnsan Hüquqları Məhkəməsi (AİHM) jurnalist Rauf Mirqədirovun işi üzrə qərarı elan edib.
Hüquqşünas Xalid Ağəliyevin Turan-a verdiyi məlumata görə, AİHM Mirqədirovun hüquqlarının Avropa Konvensiyasının 5-ci (azadlıq və şəxsi toxunulmazlıq hüququ), 6-cı (ədalətli məhkəmə araşdırması hüququ) və 8-ci (şəxsi həyata hörmət hüququ) maddələri ilə pozulduğunu tanıyıb.
AİHM Azərbaycan hökumətinin R.Mirqədirova 20 min avro kompensasiya ödəməsini barədə qərar çıxarıb.
Eyni zamanda, AİHM jurnalistin onu Azərbaycana vermiş Türkiyə hökuməti tərəfindən hüquqlarının pozulması barədə xahişini araşdırmağı zəruri hesab etməyib.
Öz növbəsində R.Mirqədirovun vəkili Fuad Ağayev Facebook səhifəsində qeyd edib ki, AİHM məhkəmə qərarı olmadan R.Mirqədirovun həbsi üçün kifayət qədər əsasların olmadığını, təqsirsizlik prezumpsiyasının pozulduğunu, ailə və şəxsi həyat sirrinə hörmət olunmadığını müəyyən edib.
Xatırladaq ki, R.Mirqədirov Türkiyədə yaşadığı dövrdə 2014-cü ilin aprelində bu ölkənin hakimiyyəti onu jurnalist akkreditasiyasından və ölkədə yaşamaqdan məhrum edib, bundan sonra onu Azərbaycana deportasiya ediblər.
2015-ci ilin dekabrında Bakı Ağır Cinayətlər Məhkəməsi R.Mirqədirovu altı il azadlıqdan məhrum edib. 2016-cı ilin martında Bakı Apellyasiya Məhkəməsi real müddəti şərti cəza ilə əvəz edib.
İlkin həbs zamanı ona vəkillərdən başqa digərləri ilə telefon danışıqları, görüşlər və yazışmalar qadağan edilmişdi.
Yerli məhkəmələr onun ilkin həbs və məhdudiyyətlərlə bağlı apellyasiya şikayətini təmin etməyiblər.
2014-cü ilin iyulunda MTN və Baş Prokurorluq bəyanatla çıxış edərək hər hansı məhkəmə qərarı olmadan R.Mirqədirovu erməni kəşfiyyatının agenti adlandırıblar.06D-
Siyasət
-
İkinci gündür ki, Azərbaycan Baş Prokurorluğu ölkəyə pul vəsaitinin qaytarılmamasında ittiham olunan kənd təsərrüfatı məhsulları ixracatçılarının ifşa olunduğunu bildirir.
-
Günorta Kazanda BRİKS sammiti çərçivəsində Azərbaycan və Ermənistan liderlərinin ikitərəfli görüşü başlayıb. İlham Əliyev və Nikol Paşinyanın görüşündə iki ölkənin xarici işlər nazirləri, baş nazirin müavinləri və xarici siyasət üzrə köməkçilər də iştirak edirlər.
-
Günorta Kazanda BRİKS sammiti çərçivəsində Azərbaycan və Ermənistan liderlərinin ikitərəfli görüşü başlayıb. İlham Əliyev və Nikol Paşinyanın görüşündə iki ölkənin xarici işlər nazirləri, baş nazirin müavinləri və xarici siyasət üzrə köməkçilər də iştirak edirlər.
-
Cümə axşamı Avropa Parlamenti qəbul etdiyi qətnamədə Azərbaycanda insan hüquqlarının kobud şəkildə pozulmasını pisləyib. Sənəddə fəallara, jurnalistlərə və müxalifət liderlərinə qarşı repressiyalardan danışılır. Deputatlar bildiriblər ki, bu sui-istifadə halları COP29-un Bakıda keçirilməsilə bir araya sığmır. Avropa Parlamentinin üzvləri Avropa İttifaqını Bakıdan qaz asılılığına son qoymağa çağırıblar.
Rəy yaz