![AİHM �Səidin qrupu� işi üzrə kommunikasiyaya başlayıb](https://turan.az/resized/media/2017/main/112700005902-750-500-resize.webp)
AİHM �Səidin qrupu� işi üzrə kommunikasiyaya başlayıb
Bakı/27.11.17/Turan: Avropa İnsan Hüquqları Məhkəməsi (AİHM) 14 il azadlıqdan məhrum edilmiş Səid Dadaşbəylinin ("Səidin qrupu") işi üzrə kommunikasiyaya başlayıb.
Vəkil Fariz Namazlı bildirib ki, şikayət Avropa İnsan Hüquqları Konvensiyasının 6.1 və 6.3 maddələrinin pozunması ilə bağlı verilib. Hökumətə müvafiq suallar göndərilib.
2007-ci ildə Səid Dadaşbəylinin işi üzrə on nəfər uzun müddətə həbs olunub. Keçmiş Milli Təhlükəsizlik Nazirliyi onları İranın xüsusi xidmətilə əməkdaşlıqda və konstitusiya quruluşunu devirməyə cəhddə ittiham edərək cəbd edib.
Qeyd edək ki, iş üzrə hakim Ənvər Seyidov proses başa çatdıqdan sonra bu qrupu "ifşa etdiyinə" görə MTN-ə "təşəkkür məktubu" yazıb.
Lakin həbs olunanların doğmaları və hüquq müdafiəçiləri çoxsaylı pozuntuların və iş üzrə materiallarda ziddiyyətlərin olmasına diqqəti yönəldiblər. Belə ki, bu materiallarda mühakimə olunanların bir -biri ilə düşmən olan radikal dini təşkilatlarla və xüsusi xidmətlərlə əlaqələrindən danışılıb.
Əsasən iş üzrə "Hezbollah", "Hamas", FATH, "Əl-Kaeda", xristian qruplaşmaları, İranın, hətta İsrailin xüsusi xidmətlərinin adları çəkilib. Müdafiə tərəfinin fikrincə, bu, ittihamın uydurma olduğundan xəbər verir.
Doğmalarının sözlərinə görə, gənclər dindarlar arasında keçirdikləri humanitar aksiyalara görə xüsusi xidmətin əlinə düşüblər. Hüquq müdafiəçiləri mühakimə olunanları siyasi məhbuslar kimi tanıyıblar. -06D--
Siyasət
-
Bakı Ağır Cinayətlər Məhkəməsində müxalif siyasətçi Tofiq Yaqublunun məhkəməsində digər təqsirləndirilən Elnur Vaqıfoğlunun ifadəsi dinlənilib.
-
Avropanın “EU Reporter” nəşri cümə günü onun siyasi redaktoru Nik Pauelin Şuşada keçirilən Qlobal Media Forumunda iştirak edərkən təbii səbəblərdən vəfat etməsi barədə məlumat yayıb.
-
43-cü gündür aclıq edən iqtisadçı Fazil Qasımovun vəziyyəti kəskin pisləşib. İyulun 26-na keçən gecə o, 1 sayl Bakı İstintaq Təcridxanasından Penitensiar Xidmətin müalicə müəssisəsinə köçürülüb. Bu barədə Turan-a onun qardaşı Nazim Qasımov bildirib.
-
İyulun 26-da Bakı Ağır Cinayətlər Məhkəməsində ictimai fəal Bəxtiyar Hacıyevin işi üzrə proses davam etdirilib. Üç şahidin ifadəsini dinləyiblər.
Rəy yaz