Bakı/28.03.19/Turan: Cümə axşamı Azərbaycan Ali Məhkəməsi REAL Partiyasının lideri İlqar Məmmədovun kassasiya şikayətini qismən təmin edib. Xüsusən, məhkəmə 220.1-ci maddə (kütləvi iğtişaşların təşkili) üzrə cəzanı yumşaldıb və ümumi cəza müddətini 5 il 6 ay 9 günə qədər endirib. Bütün maddələr üzrə cəzanı birləşdirən məhkəmə cəzanı bu günə qədər çəkilmiş müddətə qədər azaldıb.
Beləliklə, məhkəmə Məmmədovu Şəki Apellyasiya Məhkəməsinin ötən ilin avqustunda 2 il sınaq müddəti olmaqla, təyin etdiyi şərti cəzanın qalan hissəsindən azad edib. Ali Məhkəmə ölkəni tərk etməmək haqqında iltizamı da ləğv edib.
Məmmədov və vəkili Fuad Ağayev Ali Məhkəmənin qərarı ilə razı olmadıqlarını bildiriblər. Onların sözlərinə görə, Avropa İnsan Hüquqları Məhkəməsinin qərarı Azərbaycan hakimiyyəti tərəfindən icra olunmayıb.
Məmmədov deyib ki, tam bəraətə və 2020-ci il parlament seçkilərində iştiraka nail olmağa çalışacaq. Amma məhkumluğunun olması ona bu hüququnu həyata keçirməyə imkan vermir.
* İlqar Məmmədov 2013-cü ilin fevralında İsmayıllıda iğtişaşlarla bağlı həbs edilib. 2018-ci ilin avqustunda Şəki Apellyasiya Məhkəməsi onu azad edib, qalan müddəti 2 il sınaq müddəti olmaqla, şərti cəzaya məhkum edib. -21C-
Siyasət
-
İyulun 26-da “III Respublika Platforması” bəyanat yayaraq, bu qurumun həbsdə olan rəhbəri Akif Qurbanovun azyaşlı uşaqlarının elektron cihazlarının qanunsuz ələ keçirilməsinə diqqət çəkiblər.
-
İyulun 19-dan iyulun 26-dək Xankəndidə 24 avtomat, 1 pulemyot, 9 tüfəng, 28 qumbara, 441 mərmi, 3118 müxtəlif çaplı patron və digər döyüş sursatları aşkar edilib, bu barədə Daxili İşlər Nazirliyi məlumat yayıb.
-
Prezident İlham Əliyev fərmanla müdafiə sahəsində hərbi kəşfiyyat sahəsində əməkdaşlıq haqqında Azərbaycan-Qazaxıstan hökumətlərarası sazişi təsdiq edib.
-
Bakı Ağır Cinayətlər Məhkəməsində müxalif siyasətçi Tofiq Yaqublunun məhkəməsində digər təqsirləndirilən Elnur Vaqıfoğlunun ifadəsi dinlənilib.
Rəy yaz