Ali Məhkəmə sədrinin MHŞ-nın rəhbəri seçilməsi məhkəmə hakimiyyətinin müstəqilliyini gücləndirəcəkmi?
Bakı/25.06.23/Turan: İyunun 24-də Məhkəmə-Hüquq Şurasının yeni tərkibdə ilk iclası keçirilib.
Iclasda Məhkəmə-Hüquq Şurasının sədrliyinə Şuranın üzvü Alı Məhkəmənin sədri İnam Kərimovun namizədliyi irəli sürülərək səsverməyə qoyulub. Şura üzvlərinin yekdil səsi ilə İnam Kərimov Məhkəmə-Hüquq Şurasının sədri seçilib.
Sədr "Məhkəmə-hüquq sistemində islahatların dərinləşdirilməsi haqqında" ölkə Prezidentinin 2019-cu il 3 aprel tarixli Fərmanının məhkəmə sistemində yeni mərhələnin başlanması kimi qəbul edildiyini diqqətə çatdırıb.
İclasda, həmçinin məhkəmə fəaliyyətinin təkmilləşdirilməsi istiqamətində qarşıda duran vəzifələr müzakirə olunub və müvafiq təkliflər verilib.
Əvvəllər Məhkəmə-Hüquq Şurasına ədliyyə naziri, yəni icra hakimiyyətinin nümayəndəsi rəhbərlik edirdi.
Müşahidəçilərin fikrincə, Ali Məhkəmə sədrinin Məhkəmə-Hüquq Şurasının rəhbəri seçilməsi formal olaraq məhkəmə hakimiyyətinin müstəqilliyinin gücləndirilməsinə yönəlmiş addımdır.
Məlumatlı mənbələrdən verilən məlumata görə, məhkəmələrin maddi-texniki təminatı funksiyaları da Ədliyyə Nazirliyindən alınaraq Məhkəmə-Hüquq Şurasına veriləcək.—06B-
Siyasət
-
İyulun 26-da “III Respublika Platforması” bəyanat yayaraq, bu qurumun həbsdə olan rəhbəri Akif Qurbanovun azyaşlı uşaqlarının elektron cihazlarının qanunsuz ələ keçirilməsinə diqqət çəkiblər.
-
İyulun 19-dan iyulun 26-dək Xankəndidə 24 avtomat, 1 pulemyot, 9 tüfəng, 28 qumbara, 441 mərmi, 3118 müxtəlif çaplı patron və digər döyüş sursatları aşkar edilib, bu barədə Daxili İşlər Nazirliyi məlumat yayıb.
-
Prezident İlham Əliyev fərmanla müdafiə sahəsində hərbi kəşfiyyat sahəsində əməkdaşlıq haqqında Azərbaycan-Qazaxıstan hökumətlərarası sazişi təsdiq edib.
-
Bakı Ağır Cinayətlər Məhkəməsində müxalif siyasətçi Tofiq Yaqublunun məhkəməsində digər təqsirləndirilən Elnur Vaqıfoğlunun ifadəsi dinlənilib.
Rəy yaz