![Allahşükür Paşazadə Məkkədə Fətva şuralarının beynəlxalq mərkəzinin yaradılmasını təklif edib](https://turan.az/resized/news/2024/PLSBu7pPNLbgIz85gc7EnOF5fYiSUTk3CQdzEk7l-750-500-resize.webp)
Allahşükür Paşazadə Məkkədə Fətva şuralarının beynəlxalq mərkəzinin yaradılmasını təklif edib
Allahşükür Paşazadə Məkkədə Fətva şuralarının beynəlxalq mərkəzinin yaradılmasını təklif edib
Avqustun 4-də Qafqaz Müsəlmanları İdarəsinin rəhbəri şeyxülislam Allahşükür Paşazadə “Mötədillik prinsiplərinin möhkəmləndirilməsində vəqflər və islam işləri üzrə qurumların rolu mövzusunda” beynəlxalq konfransda çıxış edib.
O, ümmətimiz üçün əhəmiyyət kəsb edən tədbirdə qəbul ediləcək fətvaların islamdaxili vəhdət, bəşəri həmrəyliyə, insan qardaşlığına, məzhəbi yaxınlaşmaya xidmət etməli, bəzi siyasi qüvvələrin dindən sui-istifadə edərək cəmiyyətlərə yanlış dəyərlər təlqin etməsinin qarşısını almalı olduğuna diqqəti çəkərək islamafobiya hallarının artmasına xüsusilə toxunub. Məkrlə düşünülmüş, planlaşdırılmış siyasi oyunların təhlükəli fəsadlarının önünü kəsmək üçün ən münasib qərar olaraq, şeyxülislam islam dünyasının Fətva şuralarının beynəlxalq mərkəzinin məhz Məkkədə yaradılması təklifilə çıxış edib. Bildirib ki, bir mərkəzdən verilən qərarlar və qəbul edilən fətvalar islam ümmətinin gələcəyini mütərəqqi şəkildə yönəltməli, islamdaxili münaqişələrin aradan qaldırılmasına, müsəlman ümməti daxilində anlaşma mühitinə xidmət etməlidir, Qafqaz Müsəlmanları İdarəsinin məlumatında deyilir.
Siyasət
-
Müsavat Partiyası, 1 sentyabr 2024-cü il tarixində keçiriləcək fövqəladə Milli Məclis seçkiləri ətrafında seçki mühitini tənqid edən aralıq hesabat yayımlayıb. Hesabatda partiyanın iddia etdiyi bir sıra sistemli məsələlər vurğulanıb ki, bu da demokratik prosesi və ədalətli rəqabəti sarsıdır.
-
Keçmiş deputat və iş adamı Nazim Bəydəmirlinin həbsdə olarkən səhhəti pisləşib, bu barədə onun həyat yoldaşı bildirib.
-
İstanbul Universitetinin doktorantı, iqtisadçı Fazil Qasımov 58-ci gündür aclıq aksiyasını davam etdirir. Bu barədə “Turan”a avqustun 10-da Penitensiar xidmətin müalicə müəssisəsində onunla görüşəndən sonra yaxınları məlumat verib.
-
Avqustun 10-da Bakının Xətai Rayon Məhkəməsi “Abzas Media” işi üzrə həbs edilən jurnalist Elnarə Qasımovanın barəsində seçilmiş həbs-qətimkan tədbirinin müddətinin uzadılması ilə bağlı istintaq orqanının vəsatətini təmin edib.
Rəy yaz