AMADA: Bu il 24 Antidopinq Qayda Pozuntusu aşkarlanıb

Bakı22.12.20/Turan: Azərbaycan Milli Antidopinq Agentliyinin  (AMADA) direktoru Şəfəq Hüseynli bu sahədə 2020-ci ilin nəticələrinə dair mətbuat konfransı keçirib.

Bu barədə Agentiyin  dekabrın 22-də yaydığı məluatda deyilir.

Onun deməsinə görə, antidopinq qayda pozuntusu törətmiş   6 idman növü üzrə 12  idmançının nəticələrinin ləğvi, medalların geri alınması barədə müvafiq respublika idman federasiyaları məlumatlandırılıb.

Agentlik rəhbəri deyib ki, 2020-ci il ərzində 24  Antidopinq Qayda Pozuntusu  işi üzrə araşdırma aparılıb:

“Həmin işlərin 11-i  ilə bağlı qərar qüvvəyə minib, 13 iş isə icraatdadır. 24 antidpoinq qayda pozuntusu ümumilikdə  11 idman növündə qeydə alınıb. Belə ki, boks idman növündə  4, ağır atletka, cüdo, taekvando və karate idman növlərində 3, velosiped və güləş idman növlərində 2, futbol, sambo, atletika, və paracüdo idman növlərinini hər birində  isə 1 qayda pozuntusu qeydə alınıb”, deyə Ş.Hüseynli bildirib.

Onun  sözlərinə görə, Yeni Antidopinq Qaydaları hazırlanıb və bu il dekabrın 21-də təsdiq edilib, yeni antidopinq qaydalarında  AMADA, idman federasiyaları və idmançıların yeni öhdəliklər və vəzifələr əksini tapıb. 

Ş.Hüseynli deyir ki, əgər 12 ay ərzində  bir federasiyanın üzvləri tərəfindən  milli səviyyədə 6-dan çox, yaxud  beynəlxalq səviyyədə 3-dən çox antidopinq qayda pozuntusu törədilərsə həmin federasiya 1 ilədək diskvalifikasiya edilə bilər.

Xatırladaq ki, AMADA 2016-cı ildə yaradılıb. Qurum idman sahəsində Azərbaycanda dopinq nəzarətini həyata keçirir.   -0-