Ruben Rubinyan and Serdar Kylyc
Bakı/02.07.22/Turan: İyulun 1-də Vyanada Ermənistan və Türkiyə arasında münasibətlərin normallaşdırılması üzrə xüsusi nümayəndələr Ruben Rubinyan və Serdar Kılıç arasında dördüncü görüş keçirilib.
Ermənistan XİN-in yaydığı məlumata görə, tərəflər Ermənistana və Türkiyəyə səfər edən üçüncü ölkə vətəndaşları üçün iki ölkə arasındakı quru sərhədinin açılması mümkünlüyü haqqında razılığa gəliblər və bu istiqamətdə lazımi prosedurlara başlamaq qərarına gəliblər.
Rubinyan və Kılıç mümkün qədər qısa müddətdə Ermənistan və Türkiyə arasında aviasiya ilə birbaşa yük daşımalarının həyata keçirilməsinə başlamaq barədə razılıq əldə ediblər.
Bundan başqa, iki ölkə arasında münasibətlərin tam nizamlanması ilə bağlı yekun məqsədə nail olmaq üçün atıla biləcək konkret addımlar müzakirə olunub. Tərəflər nizamlama prosesini qeyd-şərtsiz davam etdirmək barədə razılıqlarını bir daha vurğulayıblar. 0
Siyasət
-
Bu gün Bakı Ağır Cinayətlər Məhkəməsində birinci qrup əlil, iflic fəal Famil Xəlilovun məhkəmə prosesi başa çatıb.
-
Fevralın 6-da hökumətyönlü KİV-lər "Rossotrudniçestvo"nun ölkədəki nümayəndəliyinin Azərbaycanda qeydiyyatı olmadığı üçün, Azərbaycanın bu təşkilatın bağlanmasını tələb etdiyi haqqında məlumat yayıb.
-
Beynəlxalq "Qadınlar üçün mətbuat azadlığı" təşkilatı (Women Press Freedom) Azərbaycanda jurnalist Şahnaz Bəylərqızının həbsini pisləyib.
-
"Arqument.az" saytının redaktoru Şəmşad Ağa Meydan TV-nin işi üzrə qaçaqmalçılıqda (CM-in 206.3.2-ci mad.) təqsirli bilinib və 2 ay 1 gün müddətinə həbs edilib. Bu qərarı fevralın 6-da Bakının Xətai Rayon Məhkəməsi qəbul edib, bu barədə Turan-a onun vəkili Şəhla Hümbətova bildirib.
Rəy yaz