Bakı/23.05.23/Turan: Mayın 23-ü axşam saatlarında Qarabağ separatçılarının lideri Arayik Arutyunyan bir gün əvvəl Ermənistanın baş naziri Nikol Paşinyanı öz çıxışlarına görə qınayan digər separatçıların səsinə qoşuldu.
Arayik Arutyunyan müraciətində bildirib ki, Qarabağ heç vaxt Azərbaycanın bir hissəsi olmayıb və olmayacaq.
“Mən Ermənistan hakimiyyətinə müraciət edirəm ki, Artsaxın Azərbaycanın bir hissəsi kimi tanınması ilə bağlı hər hansı hərəkət və bəyanatlardan çəkinsin, daxili və beynəlxalq sənədlərlə götürdüyü öhdəliklərə əməl etsin”.
Arutyunyan həmçinin Rusiya prezidenti Vladimir Putinə Ermənistan, Azərbaycan və Rusiya başçılarının 9 noyabr 2020-ci il tarixli üçtərəfli bəyanatında götürülmüş öhdəliklərin yerinə yetirilməsini təmin etmək çağırışı ilə müraciət edib.
“Biz beynəlxalq formatda dialoqa, münaqişələrin həllinə və sülhə hazırıq, lakin beynəlxalq hüququn norma və prinsiplərinə əsaslanırıq. Biz Azərbaycan üçün heç bir təhlükə yaratmırıq, lakin Artsax xalqının özünümüdafiə hüququ var”, - deyə Arutyunyan bildirib.
Maraqlıdır ki, Arutyunyan Paşinyanın adını çəkməyib və digər Qarabağ fiqurlarından fərqli olaraq, Paşinyanı ermənilərin milli maraqlarına xəyanət etməkdə ittiham etməyib. -02D-
Siyasət
-
Fevralın 5-də axşam jurnalist Şahnaz Bəylərqızının saxlanıldığı məlum olub. Bir neçə il əvvəl o, “Toplum” TV-nin aparıcısı olub.
-
Dövlət başçısının 5 fevral tarixli sərəncamı ilə Muxtar Babayev prezidentin iqlim məsələləri üzrə nümayəndəsi təyin edilib.
-
Fevralın 5-də prezident İlham Əliyev Ukraynaya humanitar yardımın göstərilməsi haqqında sərəncam imzalayıb. Sənədə əsasən, Azərbaycanda istehsal olunan elektrik avadanlığının satın alınması və göndərilməsi üçün Energetika Nazirliyinə 1 milyon ABŞ dolları ayrılıb.
-
Fevralın 5-də Səbail Rayon Məhkəməsində “Kanal-13” İnternet- nəşrin rəhbəri əziz Orucovun işi üzrə proses davam edib.
Rəy yaz