Arif Hacılı: “Restoranlara və kafelərə göstəriş verilib ki, Müsavatçılara yemək verməsinlər”
Bakı/27.01.20/Turan: Müsavat Partiyası deputatlığa namizədlərin seçicilər ilə seçkiqabağı görüşlərinə hakimiyyət tərəfindən maneələrin olduğunu bildirib. Bu barədə partiya lideri Arif Hacılı ötən həftə Sumqayıt, Biləsuvar və Cəlilabadda səfərlərini şərh edərkən deyib.
“Hakimiyyət yetkililəri islahatlardan danışsalar da köhnə adətlətindən əl çəkə bilmirlər. Hər yerdə izləndik. Görüşlərə gələnlərə ciddi maneçilik törədildi. Bilasuvar və Cəlilabad yolunda bütün yeməkxanalar bağlandı. Hazır yeməklər birdən yoxa çıxdı, aşpazlar qəfil xəstələndi.
Amma nəinki bir partiya rəhbərinə, deputatlığa namizədlərə, əslində hər hansı vətəndaşa adi xidmət göstərməyi qadağan etmək cahillikdir, feodal təfəkkürüdür”, - A.Hacılı vurğulayıb.
Bütün bunlara baxmayaraq, Müsavat rəhbərləri və deputatlığa namizədlər seçicilər ilə görüş keçirib onların problemlərini və təkliflərini dinləyə biliblər.
“Ən məhdud imkanlar çərçivəsində olsa da mübarizəmizi davam etdiririk. Sonadək mübarizə aparanlar qalib gələcək”, - Müsavat Partuyasının mətbuat xidməti A.Hacılıdan sitat gətirib.06D-
Siyasət
-
İyulun 26-da “III Respublika Platforması” bəyanat yayaraq, bu qurumun həbsdə olan rəhbəri Akif Qurbanovun azyaşlı uşaqlarının elektron cihazlarının qanunsuz ələ keçirilməsinə diqqət çəkiblər.
-
İyulun 19-dan iyulun 26-dək Xankəndidə 24 avtomat, 1 pulemyot, 9 tüfəng, 28 qumbara, 441 mərmi, 3118 müxtəlif çaplı patron və digər döyüş sursatları aşkar edilib, bu barədə Daxili İşlər Nazirliyi məlumat yayıb.
-
Prezident İlham Əliyev fərmanla müdafiə sahəsində hərbi kəşfiyyat sahəsində əməkdaşlıq haqqında Azərbaycan-Qazaxıstan hökumətlərarası sazişi təsdiq edib.
-
Bakı Ağır Cinayətlər Məhkəməsində müxalif siyasətçi Tofiq Yaqublunun məhkəməsində digər təqsirləndirilən Elnur Vaqıfoğlunun ifadəsi dinlənilib.
Rəy yaz