Bakı/06.11.19/Turan: Bu gün “Azərbaycanda Siyasi Məhbusların Azadlığı Uğrunda İttifaq” (ASMAUİ) siyasi səbəblərə görə məhkum edilmiş şəxslərin yenilənmiş siyahısını açıqlayıb. Siyahıda 140 ad var. Onlar 8 qrupa bölünüblər.
“Jurnalistlər və blogerlər” qrupunda 5 nəfər, o cümlədən Araz Quliyev, Elçin İsmayıllı, Ziya Əsədli, İkram Rəhimov və Polad Aslanov var. Həmin qrupdan Əfqan Muxtarlı çıxıb. Hakimiyyət Novruz bayramı ərəfəsində onu azad edib.
“Müxalifət partiyalarının və hərəkatların üzvləri” siyahısında 7 nəfər var. Müsavat Partiyasının və Demokratik Qüvvələrin Milli Şurasının üzvü Tofiq Yaqublu bu qrupda yeni siyasi məhbus oldu. O, martın 22-də uydurma xuliqanlıq ittihamı ilə həbs edilib.
“MTN-də cinayətləri qurbanları” kateqoriyasında 3 nəfər var. Onlar “Səid Dadaşbəylinin qrupu”nun işi üzrə mühakimə olunanlardır.
“Siyasi girovlar” kateqoriyasında Emin Saqiyev var. O, öz bacısının həyat yoldaşı, Avropada mühacirətdə yaşayan Türkel Azərtürkün müxalifətyönlü jurnalist fəaliyyətinə görə həbs edilib.
Ən çox ad “Dindarlar” qrupunda yer alıb – 54.
“Gəncə işi” üzrə mühakimə olunanlar 48 nəfərdir.
“Ömürlük məhbuslar” qrupunda 14 nəfər qalır.
Siyahıdakı yeni qrup “Tərtər işi” üzrə mühakimə olunanlardır. Onlar 8 nəfərdir. Əslində bu iş üzrə mühakimə olunanların sayı daha çoxdur. Lakin siyahının müəllifləri səkkiz şəxs haqqında tam məlumata malikdir.
2017-ci il mayın 7-də Baş Prokurorluq, Dövlət Təhlükəsizliyi Xidməti, Müdafiə Nazirliyi və Daxili İşlər Nazirliyi Tərtər rayonunda ermənilərə işləyən bir qrup hərbçi və mülki şəxsin ifşa olunması barədə birgə bəyanat yayıblar. Fakt üzrə CM-in 274-cü maddəsi (dövlətə xəyanət) ilə cinayət işi açılıb. Hüquq müdafiəçiləri hesab edirlər ki, bu iş mütəhimlərin hüquqlarının kobud şəkildə pozulması, onlara işgəncələrin verilməsi ilə araşdırılıb. 7 nəfərə ölüncəyədək işgəncə verilib.
ASMAUİ-nin öncəki siyahısı 2019-cu il noyabrın əvvəlində dərc edilmişdi. Siyahıda 135 ad vardı.
* ASMAUİ 2018-ci ilin sonlarında Sülh və Demokratiya İnstitutunun direktoru Leyla Yunus, Siyasi Məhbusların Monitorinq Mərkəzinin rəhbəri Elşən Həsənov, hüquq müdafiəçisi Hilal Məmmədov və Azərbaycan Ziyalılar Birliyinin sədri Eldəniz Quliyev tərəfindən yaradılıb. -06D--
Siyasət
-
Fevralın 4-də Bakı Apellyasiya Məhkəməsi rusiyalı keçmiş hakim, Rusiya Prokurorluğunun vəsatətilə Azərbaycanda həbs edilmiş Yelena Xaxalevanı həbsdən azad edib.
-
Azərbaycanın “Azel” TV saytının rəhbəri, fevralın 2-dən Tbilisi İstintaq Təcridxanasında quru aclıq edən Əfqan Sadıqov çərşənbə axşamı huşunu itirib. Bu barədə Turan-a onun xanımı Sevinc Sadıqova bildirib.
-
Fevralın 5-də Bakı Ağır Cinayətlər Məhkəməsində keçmiş diplomat Emin İbrahimovun işi üzrə hazırlıq iclası olub. İclasa hakim Vuqar İbrahimov sədrlik edib. Mahiyyəti üzrə dinləmələr fevralın 12-nə təyin edilib.
-
AZAL-ın təyyarəsinin qəzaya uğraması ilə bağlı Qazaxıstanın Nəqliyyat Nazirliyinin dərc etdiyi hesabat "ilkin xarakter daşıyır və baş verənlərin səbəbləri barədə nəticə yoxdur". Bu barədə “Rosaviasiya” - Rusiya Federal Hava Nəqliyyatı Agentliyinin məlumatında deyilir.
Rəy yaz