Kimmo Kiljunen, Stefan Schennach and Sir Roger Gale.
Strasburq/17.07.20/Turan: “Ermənistan və Azərbaycan arasında atəşkəsin pozulması ilə əlaqədar baş verən insan tələfatından narahatıq”, bu barədə Avropa Şurası Parlament Assambleyasının (AŞPA) Ermənistanın monitorinqi üzrə məruzəçisi Kimmo Kilyunenin (Finlandiya) və Azərbaycan üzrə həmməruzəçiləri Stefan Şennak (Avstriya) və Rocer Geylin (Böyük Britaniya) bəyanatında deyilir.
“Hər iki ölkəyə xatırladırıq ki, sülhə şərait yaratmaq onların Avropa Şurasına üzv olarkən üzərinə götürdükləri öhdəlikləridir. Buna görə onları israrla lazımi səviyyədə təmkinlilik nümayiş etdirməyə və təhrikedici ritorikadan uzaq durmağa çağırırıq”, deyə birgə bəyanatda bildirilir.
Onlar həmçinin iyulun 15-də həmsədrlərin də öz bəyanatlarında qeyd etdiyi kimi, hər iki ölkəni ATƏT-in Minsk Qrupu çərçivəsində sülh danışıqlarını bərpa etməyə çağırıblar. -06D-
Siyasət
-
Böyük Britaniyanın MI 6 kəşfiyyat xidmətinin rəhbəri Riçard Mur sentyabrın 14-də Bakıya gəlib və ADA Universitetində mühazirə oxuyub. Bu barədə universitet rəhbərliyinin sosial şəbəkədəki nəşrindən məlum olub.
-
Sentyabrın 13-də Azərbaycan Xalq Cəbhəsi Partiyasının fəalı Mehman Əliyev Kürdəxanı İstintaq Təcridxanasında intihara cəhd edib. Bununla əlaqədar o, Penitensiar Xidmətin müalicə müəssisəsinə yerləşdirilib. Bu barədə Turan-a fəalın atası Aydın Əliyev bildirib.
-
Müdafiə Nazirliyinin N saylı hərbi hissəsinin hərbi qulluqçusu, əsgər Bağırov Nurbala Asif oğlunun odlu silahdan açılmış atəş nəticəsində ölməsi barədə Şəmkir hərbi prokurorluğuna məlumat daxil olub.
-
Sentyabrın 7-dən 13-dək polis azad edilmiş ərazilərdə çoxlu sayda silah və hərbi sursat aşkar edərək götürüb.
Rəy yaz