Aşqabadda Azərbaycan-Türkmənistan sazişləri imzalanıb (yenilənib)
Bakı/22.11.18/Turan: Cümə axşamı səhər saatlarında Aşqabadda Türkmənistan və Azərbaycan prezidentləri arasında görüş başa çatdıqdan sonra danışıqlar iki ölkənin nümayəndə heyətlərinin iştirakı ilə davam etdirilib.
Görüşdə tərəflər ticari-iqtisadi sahədə, yanacaq və energetika, nəqliyyat axınlarının şaxələndirilməsi sahəsində uğurlu tərəfdaşlığı, habelə beynəlxalq terrorizmə və narkotrafikə qarşı mübarizədə əməkdaşlığı qeyd ediblər.
Danışıqlar başa çatdıqdan sonra ikitərəfli sənədlərin imzalanması mərasimi keçirilib. Dövlət başçıları birgə bəyanat imzalayıblar.
Daha sonra aşağıdakı sənədlər imzalanıb:
Uzunmüddətli ticari-iqtisadi əməkdaşlıq haqqında hökumətlərarası saziş;
2019-2021-ci illər üçün ticari-iqtisadi əməkdaşlıq proqramı;
İnvestisiyaların təşviqi və qarşılıqlı müdafiəsi haqqında;
İkili gəlir və əmlak vergisi qoyuluşunun aradan qaldırılması haqqında;
Sənaye sahəsində əməkdaşlıq haqqında sazişlər;
2019-2022-ci illər üçün nəqliyyat sahəsində əməkdaşlıq proqramı;
Nəqliyyat, tranzit və logistika məsələləri üzrə Türkmənistan-Azərbaycan birgə komissiyasının yaradılması haqqında;
İki ölkənin limanlarından dəniz nəqliyyatı ilə beynəlxalq daşımaların inkişaf etdirilməsi haqqında;
İki ölkə ərazisində beynəlxalq daşımaların iştirakçıları üçün viza rejiminin sadələşdirilməsi haqqında;
Türkmənbaşı limanı və Bakı dəniz limanı arasında avtomatlaşdırılmış məlumat mübadiləsi, gəmiçiliyin inkişafı və yük daşınması həcminin artırılması haqqında sazişlər;
İki ölkənin dəmir yolu və nəqliyyat idarələri arasında nəqliyyat və tranzit məsələləri üzrə saziş;
İki ölkənin gömrük idarələri arasında məlumat mübadiləsi haqqında saziş və s. -02D-
* * *
2018 Noyabr 22 (Cümə axşamı) 12:44:10
Azərbaycan-Türkmənistan sazişlər paketi imzalanacaq
Bakı/22.11.18/Turan: İlham Əliyevin Türkmənistana rəsmi səfəri zamanı böyük ikitərəfli hökumətlərarası sazişlər paketi imzalanacaq. Bu barədə Türkmənistan XİN başçısı Rəşid Mərədov Əliyevin Aşqabada dünən başlayan səfərini şərh edərkən bildirib.
Onun sözlərinə görə, gələcək sazişlər qarşılıqlı səmərəli əməkdaşlığın daha da fəallaşmasına və genişləndirilməsinə yönəlib.
Noyabrın 22-də səhər saatlarından Aşqabadda İlham Əliyevin rəsmi qarşılanma mərasimi keçirilib. Bundan sonra onun Türkmənistan prezidenti Qurbanqulu Berdıməhəmmədovla təkbətək görüşü başlayıb. -02D-
-
- Cəmiyyət
- 22 Noyabr 2018 12:16
-
- İqtisadiyyat
- 22 Noyabr 2018 12:55
Siyasət
-
Azərbaycan bu həftə Fransada keçirilən Fransızofoniya Sammitindən sonra Ermənistana təxribatçı hərəkətlərdən çəkinməyə və ya normallaşma prosesini tamamlamaq, ya da qarşıdurma yolunu seçmək arasında qərar verməyə çağırıb.
-
Milli Məclisin 43 deputatı xarici işlər naziri Ceyhun Bayramova müraciət edərək, ABŞ-la münasibətlərə yenidən baxılması və müdafiə sahəsində əməkdaşlığa dair sazişlərin denonsasiyası çağırışı ilə çıxış edib.
-
Prezident İlham Əliyev 2024-2025-ci tədris ilində Azərbaycan Respublikasının ali təhsil müəssisələrinə daxil olan tələbələrə prezident təqaüdlərinin verilməsi haqqında sərəncam imzalayıb.
-
Oktyabrın 4-də Azərbaycanın Rusiyada yeni fövqəladə və səlahiyyətli səfiri Rəhman Mustafayev Rusiya xarici işlər naziri Sergey Lavrov tərəfindən qəbul edilib.
Rəy yaz