![ATƏT Azərbaycanda seçkiqabağı vəziyyət barədə](https://turan.az/resized/750/500/resize/media/2018/main/032900008829.jpg)
ATƏT Azərbaycanda seçkiqabağı vəziyyət barədə
Bakı/29.03.18/Turan: Martın 29-da ATƏT DTİHB-nin qiymətləndirmə missiyası 11 aprel prezident seçkiləri ərəfəsində Azərbaycanda seçkiqabağı vəziyyətə dair hesabat yayıb.
Seçkiqabağı atmosferə aid bölmədə deyilir ki, MSK seçki kampaniyasının aparılması üçün ölkə boyunca 169 meydança müəyyən edib.
Bir sıra müxalifət partiyaları prezident seçkilərinə etiraz olaraq mitinqlər təşkil ediblər. Aksiyalar başa çatdıqdan sonra müxalifət fəalları polisdə dindirilib, bəzisi saxlanılıb.
Müxalifət seçkiqabağı təşviqat dövrünün 22 günədək azaldılmasını pisləyir. Bu, onun KİV-dən istifadə imkanlarını məhdudlaşdırır və hazırki prezidentə seçkilərdə üstünlük yaradır.
KİV haqda bölmədə deyilir ki, diffamasiya və böhtan cinayət olaraq qalır, 2016-cı ildən isə bu müddəalar on-line resurslara da tətbiq edilir və üç ilədək azadlıqdan məhrumetmə ilə cəzalandırılır.
Missiya peşə fəaliyyəti ilə bağlı olmayan ittihamlarla həbs edilən jurnalistlərin və blogerlərin sayına görə narahatlığını bildirib.
Azərbaycanda əsas siyasi informasiya mənbəyi kimi 11 televiziya stansiyası var, çap KİV-in tirajı azalmaqda davam edir. Əhalinin 80%-nin İnternetdən istifadə imkanları var.
DTİHB-nin bəzi müsahibləri KİV-lərin müstəqilliyinə və qərəzsiz olmadığına inanmadıqlarını bildiriblər. Qeyd ediblər ki, sosial şəbəkələr yeganə mühüm informasiya mənbələri olaraq qalır.
2017-ci ilin martından "İnformasiya haqqında" qanuna düzəlişlərdən sonra Rabitə Nazirliyi məhkəmə qərarı olmadan KİV-lərin saytlarını bloklamak hüququ əldə edib. Bakıda və regionlarda bəzi tənqidi saytlara daxil olmaq mümkün deyil.
Hesabatda qanunvericilik çərçivəsində sorğu materialları və protokol xarakterli digər məlumatlar yer alıb. Sənəddə hər hansı təklif və tövsiyə yoxdur.-02D-
-
- Çətin sual
- 29 Mart 2018 17:46
-
- Siyasət
- 29 Mart 2018 18:32
Siyasət
-
İyulun 26-da “III Respublika Platforması” bəyanat yayaraq, bu qurumun həbsdə olan rəhbəri Akif Qurbanovun azyaşlı uşaqlarının elektron cihazlarının qanunsuz ələ keçirilməsinə diqqət çəkiblər.
-
İyulun 19-dan iyulun 26-dək Xankəndidə 24 avtomat, 1 pulemyot, 9 tüfəng, 28 qumbara, 441 mərmi, 3118 müxtəlif çaplı patron və digər döyüş sursatları aşkar edilib, bu barədə Daxili İşlər Nazirliyi məlumat yayıb.
-
Prezident İlham Əliyev fərmanla müdafiə sahəsində hərbi kəşfiyyat sahəsində əməkdaşlıq haqqında Azərbaycan-Qazaxıstan hökumətlərarası sazişi təsdiq edib.
-
Bakı Ağır Cinayətlər Məhkəməsində müxalif siyasətçi Tofiq Yaqublunun məhkəməsində digər təqsirləndirilən Elnur Vaqıfoğlunun ifadəsi dinlənilib.
Rəy yaz