ATƏT Cənubi Qafqaza marağı artırır - səfirlərdən ibarət nümayəndə heyətinin hesabatı

Bakı/23.06.18/Turan: ATƏT-in iştirakçısı olan ölkələrin 24 daimi nümayəndəsindən ibarət nümayəndə heyəti iyunun 18-dən 22-nə qədər Ermənistana, Gürcüstana və Azərbaycana səfər edib.

Son bir neçə il ərzində bu formatda ilk dəfə həyata keçirilən bu səfər ATƏT ölkələrinin təşkilatın üç ölkədən hər biri üçün öhdəliklərini və prinsiplərini nəzərə alaraq, regionda sülh, sabitlik və inkişafa böyük marağı olduğunu təsdiq edir.

Səfirlər Yerevanda, Tbilisidə və Bakıda hökumət və parlament üzvləri, siyasi partiya və vətəndaş cəmiyyəti nümayəndələri ilə görüşlər keçiriblər. Danışıqlar zamanı təhlükəsizlik, münaqişələrin həlli məsələlərinə və bu yaxınlarda baş verən siyasi proseslərə xüsusi diqqət yetirilib.

Fransa səfiri Veronika Rocer-Lakan qrupun birgə mesajlarını çatdıraraq, "ATƏT-in ümumi təhlükəsizlik məqsədilə əməkdaşlığın genişləndirilməsinə dəstəyini" qeyd edib. ATƏT Ermənistan, Gürcüstan və Azərbaycan cəmiyyətlərinə fayda vermək və bütün sahələrdə təhlükəsizliyi təmin etmək üçün bu ölkələrlə əlaqələri fəallaşdırmağa çalışır, deyə müraciətdə bildirilir.

Azərbaycanda səfirlər xarici işlər nazirinin müavini Mahmud Quliyevlə, habelə parlament üzvləri, o cümlədən parlamentin sədr müavini Bahar Muradova ilə, baş nazir Novruz Məmmədovla görüşüblər.

"Bizim məqsədimiz etimadı möhkəmləndirməkdən və ölkələrin ATƏT-lə qarşılıqlı fəaliyyətini fəallaşdırmaq istəyimizi vurğulamaqdan ibarət idi", deyə səfir, ATƏT Daimi Şurasının sədri Alessandro Azzoni bildirib. -06D-