ATƏT DTİHB-nin seçki müşahidə missiyasının rəhbəri seçkiləri 23 saylı məktəbdə müşahidə edəcək

Bakı/10.04.18/Turan: ATƏT-in Demokratik Təsisatlar və İnsan Hüquqları Bürosunun (DTİHB) aprelin 11-də Azərbaycan prezident seçkiləri üçün seçki müşahidə missiyasının rəhbəri Corien Jonker çərşənbə günü saat 10:00-da Bakıda bir seçki məntəqəsində səsverməni müşahidə edəcək.

O, Bakının Nəsimi rayonu, 28 May küçəsi, 23 nömrəli məktəbdə (23 saylı dairə seçki komissiyasının 13 saylı seçki məntəqəsində) seçkini müşahidə edəcək.

ATƏT-in Demokratik Təsisatlar və İnsan Hüquqları Bürosu bildirir ki, xanım Jonker seçki günündə ATƏT/DTİHB missiyasının fəaliyyəti ilə bağlı suallara cavab verməyə uyğun olacaq, lakin beynəlxalq seçki müşahidə missiyasının ilkin bəyanatının təqdim edilməsindən əvvəl seçkilərlə və ya seçki günü ilə bağlı heç bir qiymətləndirmə təqdim edə bilməyəcək.

İlkin bəyanatın təqdimatı cümə axşamı, saat 14:30-da "Baku Holiday Inn Hotel"də mətbuat konfransında keçiriləcək.