BAKI/10.04.18/Turan: Növbədənkənar prezident seçkiləri üçün müşahidəçilik edən beynəlxalq müşahidəçilər missiyası aprelin 12-də , cümə axşamı keçiriləcək mətbuat konfransında ilkin seçkidən sonrakı bəyanatı təqdim edəcəklər.
Beynəlxalq müşahidəçilər missiyası ATƏT-in Demokratik Təsisatlar və İnsan Haqları Bürosunu (DTİHB), ATƏT-in Parlament Assambleyasını (ATƏT PA) və Avropa Şurasının Parlament Assambleyasını (AŞPA) əhatə edən birgə səylərin birləşməsidir.
Bəyanat, ATƏT-in qısa müddətli müşahidə missiyasının Xüsusi Əlaqələndiricisi və Rəhbəri Nilza del Sena, AŞPA nümayəndə heyətinin rəhbəri Viorel Riceard Badea, ATƏT PA nümayəndə heyətinin rəhbəri Marqret Kiener Nellen və DTİHB-nın uzun müddətli müşahidə missiyasının rəhbəri Corien Jonker tərəfindən təqdim ediləcək.
Beynəlxalq seçki müşahidə missiyası DTİHB tərəfindən ezam edilmiş 28 uzun müddətli və qısa müddətli müşahidəçi, ATƏT PA-nın 48 parlamentarisi və heyəti, AŞPA-nın 37 parlamentarisi daxil olmaqla, 40 ölkənin 350 müşahidəçisindən təşkil edilib.
Mətbuat konfransının birbaşa yayımını DTİHB-nın https://www.osce.org/odihr/elections/azerbaijan/374092 internet səhifəsi və ATƏT PA-nın www.oscepa.org internet səhifəsi vasitəsilə izləmək mümkündür.
Jurnalistlər aprelin 12-də, cümə axşamı, saat 14:30-da Bakı şəhəri, Kövkəb xanım Səfərəliyeva 5 küçəsində yerləşən Holiday İnn otelinin Baku 1 zalında keçiriləcək mətbuat konfransında iştirak etməyə dəvət edilirlər.
Əlavə məlumat üçün aşağıda qeyd olunan nömrələrlə əlaqə saxlaya və ya mail ünvanına məktub yaza bilərsiniz: ATƏT/ DTİHB Sözcüsü Thomas Rymer, +994 556 041 733 və ya +48 609 522 266, thomas.rymer@odihr.pl, ATƏT Parlament Assambleyası, Andreas Baker +994 559 333 159 or +45 60 10 81 26, andreas@oscepa.dk AŞPA, Bordan Torcatoriu, +33 6 50 39 29 40, bordan.torcatoriu@coe.int --0--
Siyasət
-
COP29 iqlim sammitində əldə edilən razılaşma BMT Baş Katibi Antoniu Quterreş tərəfindən iqlim dəyişikliyinə qarşı qlobal səylərdə mühüm addım kimi qiymətləndirilib. Yüksək səviyyəli müzakirələrin yekununda çıxış edən Quterreş, bu razılaşmanın qlobal istiləşməni 1,5°C həddində saxlamaq məqsədini qorumaq üçün həlledici olduğunu vurğulayıb. Bu hədd iqlim dəyişikliyinin ən pis təsirlərini qarşısını almaq üçün kritik hesab olunur.
-
Noyabrın 23-də Bakıda BMT-nin İqlim Dəyişmələri üzrə Çərçivə Konvensiyasının Tərəflər Konfransının 29-cu sessiyasının (COP29) keçirildiyi məkanda müxtəlif ölkələrdən olan ekofəlallr liderlərin kifayət qədər iqlim maliyyəsi ödənilməsi barədə razılığa gələ bilməməsinə etiraz olaraq aksiya keçirib.
-
Bakıda COP29 iqlim konfransının bağlanışı ərəfəsində Beynəlxalq Jurnalistləri Müdafiə Komitəsi Azərbaycanda həbs olunmuş jurnalistlərin cinayət işlərinə diqqəti yönəldib.
-
Bakıda keçirilən BMT-nin İqlim Dəyişikliyi üzrə Çərçivə Konvensiyasının (UNFCCC) 29-cu sessiyası üzrə danışıqlar 24 noyabr tarixinə qədər uzadılıb. Bu barədə UNFCCC Katibliyindən bir mənbə Turan informasiya agentliyinə məlumat verib. Mənbənin sözlərinə görə, iştirakçılar həmin tarixə qədər yekun sənədləri razılaşdırıb imzalamağı planlaşdırırlar.
Rəy yaz