Ceyhun Bayramov.
ATƏT-in Minsk Qrupu həmsədrlərinin iştirakı ilə Azərbaycan və Ermənistan xarici işlər nazirlərinin görüşü
Bakı/11.11.21/Turan: Noyabrın 10-da Parisdə ATƏT-in Minsk Qrupunun həmsədrləri və ATƏT-in fəaliyyətdə olan sədrinin şəxsi nümayəndəsinin iştirakı ilə Azərbaycan və Ermənistan xarici işlər nazirlərinin görüşü olub.
Azərbaycan Xarici İşlər Nazirliyi mətbuat xidmətinin məlumatında deyilir ki, görüş zamanı "regionda yeni reallıqlar nəzərə alınmaqla" Ermənistanla Azərbaycan arasında münasibətlərin normallaşdırılması prosesi müzakirə olunub. Ceyhun Bayramov Bakının mövqeyini qarşı tərəfin diqqətinə çatdırıb.
Həmsədrlərlə görüşdən öncə Fransanın xarici işlər naziri Jan İv Drianın Azərbaycan və Ermənistan xarici işlər nazirləri ilə ayrı-ayrı görüşləri olub. Bundan sonra üç nazir arasında görüş olub və görüşdə Drian Cənubi Qafqazda uzunmüddətli sülhün bərqərar olması məqsədilə Fransanın ölkələr arasında dialoqun intensivləşdirilməsini istədiyini bildirib.
Fransalı nazir ərazilərin minalardan təmizlənməsi prosesində öz ölkəsinin Azərbaycana yardım etməyə hazır olduğunu bildirib. O həmçinin Birinci Qarabağ Müharibəsi zamanı itkin düşənlərin axtarışının Fransa üçün vacib olduğunu qeyd edib, Azərbaycan Xarici İşlər Nazirliyinin məlumatında deyilir. -02D-
-
- İqtisadiyyat
- 11 Noyabr 2021 11:35
Siyasət
-
İyulun 26-da “III Respublika Platforması” bəyanat yayaraq, bu qurumun həbsdə olan rəhbəri Akif Qurbanovun azyaşlı uşaqlarının elektron cihazlarının qanunsuz ələ keçirilməsinə diqqət çəkiblər.
-
İyulun 19-dan iyulun 26-dək Xankəndidə 24 avtomat, 1 pulemyot, 9 tüfəng, 28 qumbara, 441 mərmi, 3118 müxtəlif çaplı patron və digər döyüş sursatları aşkar edilib, bu barədə Daxili İşlər Nazirliyi məlumat yayıb.
-
Prezident İlham Əliyev fərmanla müdafiə sahəsində hərbi kəşfiyyat sahəsində əməkdaşlıq haqqında Azərbaycan-Qazaxıstan hökumətlərarası sazişi təsdiq edib.
-
Bakı Ağır Cinayətlər Məhkəməsində müxalif siyasətçi Tofiq Yaqublunun məhkəməsində digər təqsirləndirilən Elnur Vaqıfoğlunun ifadəsi dinlənilib.
Rəy yaz