Bakı/09.02.20/Turan: Azərbaycanda növbədənkənar parlament seçkisini 41 ölkədən 358 müşahidəçi müşahidə edir, bu barədə Bakıda keçirilən brifinqdə ATƏT-in qısamüddətli missiyasının xüsusi koordinatoru Artur Gerasimov bildirib.
"Müşahidə missiyamız Azərbaycan hökuməti tərəfindən dəvət olunub. Bu, ATƏT-ə üzv ölkələrin prinsip və öhdəlikləri ilə bağlıdır", deyən Gerasimov əlavə edib ki, səsvermə gününə qədər missiya üzvləri ölkədəki vəziyyətlə tanış olub.
"Bizim seçki ilə bağlı kifayət qədər məlumatımız var. Seçki günü ilə bağlı deyə bilərəm ki, beynəlxıaq müşahidə missiyasının üzvü olan yüzlərlə müşahidəçimiz Bakıda, Gəncədə, Sumqayıtda və digər regionlarda öz müşahidələrini aparırlar. Müşahidələrimizi yekunlaşdırdıqdan sonra biz sabah əlimizdə olan məlumatlara əsasən mətbuat konfransı keçirəcəyik", deyə o əlavə edib.
Namizəd Bəxtiyar Hacıyevin seçki məntəqəsinə buraxılmaması haqqında suala cavabda Gerasimov bildirib ki, bununla bağlı məlumatı yoxdur. Eyni zamanda, o qeyd edib ki, müşahidəçilər belə bir pozuntu qeydə alsalar, bu, hesabatda əksini tapacaq. -16D-
Siyasət
-
Dekabrın 4-də Avropa İttifaqı, Böyük Britaniya və İsveçrənin səfirlikləri Azərbaycanın hüquq müdafiəçiləri, vətəndaş cəmiyyəti, mətbuat nümayəndələri, hüquqşünaslar və ictimai fəalların iştirakı ilə qəbul təşkil ediblər.
-
Dekabrın 4-də Bakının Binəqədi Rayon Məhkəməsi hakim Aytəkin İbrahimovanın sədrliyi ilə "Müdafiə Xətti" hüquq müdafiə təşkilatının icraçı direktoru Rüfət Səfərov barəsində 4 ay həbs qətimkan tədbiri seçib.
-
Abzas Media-nın işi üzrə həbs edilmiş araşdırmaçı jurnalist Hafiz Babalı bir müddət əvvəl damarların varikoz genişlənməsi ilə bağlı tibbi yardım göstərilməməsindən ombudsman aparatına şikayət vermişdi. Onun aldığı cavabda deyilir ki, Ədliyyə Nazirliyinin Tibb İdarəsi ombudsmanın bununla bağlı sualına cavab verib.
-
Narkotik haqqında iş üzrə üç il müddətinə azadlıqdan məhrum edilmiş Azərbaycan Xalq Cəbhəsi Partiyasının (AXCP) fəalı Elnur Həsənov dekabrın 3-dən aclığa başlayıb.
Rəy yaz