112 saylı Qax seçki dairəsinin 2 saylı məntəqəsində müşahidəçilər seçki qanununun pozulması faktlarını qeydə alırlar. Məntəqənin katibi Faiq Ömər Sofuoğlu seçki başlayandan bülleten qutusunun yanında dayanaraq videokamera üçün görüntüyü bağlayıb. Müşahidəçilərin ona müraciətindən sonra katibin masası başqa yerə qoyulub.
Gorağan kəndində 37 saylı məntəqədə müşahidəçilər kobud pozuntu qeydə alıblar - boş bülletenlər masaya qoyulmayıb, məntəqə sədrinin kabinetində saxlanılıb. Bununla bağlı protokol tərtib olunub, Qax.org.az saytı xəbər verib.
Seçki ərəfəsində rayonda məktəb şagirdlərinin valideynlərinin təlimatlandırılması, seçki maxinasiyası olan “karusel”in hazırlanması halları qeydə alnıb. Peşə-texniki lisey və 2 saylı şəhər məktəbinin binalarında “karusel” gözlənilir.
Sayt bildirir ki, Qaxda seçki prosesinə Rayon İcra Hakimiyyəti nəzarət edir, 112 saylı seçki dairəsinin sədri Əbdukərim Əliyevə göstəriş verir.
Qaxda seçkilərdə əsas rəqiblər sabiq deputat Azər Kərimli və müstəqil deputat Əhməd Şahidovdur.--0--
Siyasət
-
Almaniyanın xarici işlər naziri Annalena Berbok noyabrın 22-də axşam Turan agentliyinin ofisində Azərbaycanın vətəndaş cəmiyyətinin nümayəndələri ilə görüş keçirib.
-
Azərbaycanın xarici işlər naziri Ceyhun Bayramov bu gün COP29 çərçivəsində almaniyalı həmkarı Annalena Berbokla görüş keçirib.
-
Bakının yaxınlığında yerləşən 1-ci Kürdəxanı Müvəqqəti Saxlama Təcridxanasında saxlanılan jurnalist İmran Əliyev noyabrın 18-də başladığı aclıq aksiyasını dünən dayandırdı. Məclis.info saytının rəhbəri olan Əliyev, hərəkətlərində cinayət tərkibi olmadığını əsas gətirərək azadlığa buraxılmasını tələb edirdi.
-
Almaniya Avropada hərbi münaqişənin genişlənməsinin qarşısını almağa çalışır və bunun üçün səy göstərir. Müharibənin başlamasından min gün keçdiyi bir vaxtda Putin təkcə Ukraynanı deyil, Baltika ölkələrini və Polşanı da təhdid edir. Bu barədə noyabrın 22-də Bakıda keçirilən mətbuat konfransında Almaniyanın XİN başçısı Annalena Berbok Rusiyanın Ukraynaya qarşı ballistik raketlərdən istifadə etməsindən sonra Berlinin Kiyevə "Taurus" raketləri verib-verməyəcəyi haqqında suala cavabda bildirib.
Rəy yaz