ATƏT MQ-nin həmsədrləri Parisdəki görüşün yekunları haqqında

Bakı/16.01.19/Turan: Azərbaycan və Ermənistan XİN başçıları əhalinin sülhə hazırlanması üzrə konkret tədbirlər haqqında razılıq əldə ediblər, bu barədə ATƏT-in Minsk Qrupunun çərşənbə günü Parisdə iki nazirin görüşünün yekunlarına dair bəyanatında deyilir.

ATƏT-in Minsk Qrupunun həmsədrləri (İqor Popov - Rusiya, Stefan Viskonti - Fransa və Endryu Shofer (ABŞ)) yanvarın 16-da Azərbaycanın xarici işlər naziri Elmar Məmmədyarov və Ermənistanın xarici işlər naziri vəzifələrini yerinə yetirən Zöhrab Mnatsakanyanla məsləhətləşmələr keçiriblər.

Həmsədrlər ayrıca görüş keçiriblər, daha sonra nazirlərlə görüşüblər.

Bəyanatda qeyd edilir ki, Avropa naziri yanında dövlət katibi və Fransanın xarici işlər naziri danışıqlara yekun vurub.

"Həmsədrlər Yelisey sarayında qəbul ediliblər, orada prezident Emmanuil Makronun baş diplomatik müşavirələrinə məlumat veriblər.

İştirakçılar tərəflərin nəticələrə yönəlmiş intensiv danışıqlara imkan verən şəraiti qoruyub saxlamaq üzrə daimi səylərinə görə nazirlərə minnətdarlıqlarını bildiriblər.

Nazirlər Dağlıq Qarabağ münaqişəsinin nizamlanması ilə bağlı geniş məsələlər dairəsini müzakirə ediblər və əhalinin sülhə hazırlanması üzrə konkret tədbirlərin görülməsi zərurəti barədə razılıq əldə ediblər.

Görüşlərdə həmsədrlər nazirlərlə danışıqlar prosesinin hazırki mərhələsi üçün əsas prinsip və parametrləri, habelə danışıqlara güclü təkan vermək üçün Azərbaycan və Ermənistan liderlərinin mümkün görüşü məqsədilə növbəti addımları nəzərdən keçiriblər.

Həmsədrlər regionun iqtisadi potensialının həyata keçirilməsinə yönəlmiş mümkün qarşılıqlı səmərəli təşəbbüslərin əhəmiyyətini qeyd ediblər.

Həmsədrlər yaxın gələcəkdə iki ölkə liderləri ilə görüşməyi planlaşdırırlar, deyə bəyanatda qeyd. -0-