Bakı/19.06.17/Turan: ATƏT-in Minsk Qrupunun həmsdərləri İqor Popov (Rusiya), Riçard Hoqland (ABŞ), Stefan Viskonti (Fransa) və ATƏT-in hazırki sədrinin şəxsi nümayəndəsi Anjey Kasprşik regiona səfərlərinin yekunlarına dair bəyanat yayıblar.
Sənəddə qeyd edilir ki, səfərin əsas məqsədi Azərbaycan və Ermənistan XİN rəhbərlərinin 28 aprel Moskva görüşündən sonra mövqelərin və bütünlükdə münaqişə zonasında vəziyyətin müzakirəsi idi.
Həmsədrlər Ermənistan prezidenti Serj Sarkisyan (10 iyun) və Azərbaycan prezidenti İlham Əliyevlə (19 iyun) görüşüblər. Bundan başqa, hər iki paytaxtda müdafiə və xarici işlər nazirləri ilə məsləhətləşmələr aparılıb.
Həmsədrlər həmçinin Dağlıq Qarabağda (12 iyun) olublar və "de-fakto" hakimiyyətlə görüşüblər, Dağlıq Qarabağ ətrafındakı bir sıra rayonlara - Zəngilan, Qubadlı, Laçın və Kəlbəcərə baş çəkiblər, deyə bəyanatda bildirilir.
Bakıda vasitəçilər Dağlıq Qarabağın Azərbaycanlı icması ilə görüşüblər.
Bakıda danışıqlar zamanı həmsdərlər onların Azərbaycana səfəri ərəfəsində insan tələfatına gətirib çıxarmış sonuncu atəşkəs rejiminin pozulması halları ilə bağlı dərin narahatlıqlarını bildiriblər. "Biz Azərbayan rəhbərliyinə gərginlikdən qaçmaq çağırışı ilə müraciət etdik. Ermənistan rəhbərliyinə və Dağlıq Qarabağın "de-fakto" hakimiyyətinə də eyni mesajı göndəririk. Biz təmas xəttində və Ermənistan və Azərbaycanın dövlət sərhədində gərginliyi azaldacaq tədbirlər görməyə çağırırıq", deyə bəyanatda qeyd edilir.
Hər iki paytatda həmsədrlər tərəfləri substantiv danışıqların bərpası üçün siyasi iradə nümayiş etdirməyə çağırıblar.
Onlar qeyd ediblər ki, uzunmüddətli sülhə gətirib çıxara biləcək yeganə yol irəliləyişə və münaqişənin həllinə layiq olan region xalqlarıdır.
Prezidentlər ən mübahisəli məsələlərin güzəştli həllini tapmaq məqsədilə siyasi dialoqu bərpa etmək niyyətlərini ifadə ediblər, deyə bəyanatda vurğulanır.
Mətndə həmçinin qeyd edilir ki, iyulun 3-də həmsədrlər Vyanada olacaqlar, Minsk Qrupu üzvlərinin səfəri haqqında məlumat verəcəklər. Onlar həmçinin gələcək işin şərtlərini müzakirə etmək üçün tezliklə tərəflərin xarici işlər nazirləri ilə görüşməyi planlaşdırırlar. -06D
Siyasət
-
Ermənistanın Baş naziri Nikol Paşinyan hökumət iclasında gözlənilməz bir açıqlama verərək, Azərbaycanla strateji sazişin imzalanmasının vacibliyini vurğulayıb. Onun sözlərinə görə, iki ölkənin gələcəkdə dinc yanaşı mövcudluğu növbəti yüz il ərzində təmin edilməlidir və bu məsələnin həlli hər iki tərəf üçün ən əsas və fundamental məsələdir.
-
BMT-nin İqlim Dəyişikliyi üzrə Konfransının (COP29) 29-cu sessiyasında açıqlanan yeni iqlim proqramlarının maliyyələşdirilməsi üzrə razılaşma layihəsi, iqlim dəyişikliyinin təsirlərinə uyğunlaşmaq və iqlim müdafiəsi tədbirləri üçün illik ən azı 1,3 trilyon dollar (1,23 trilyon avro) ayrılmasını təklif edir. Çərşənbə günü açıqlanan 34 səhifəlik sənəd, inkişaf etməkdə olan ölkələrin maraqlarını nəzərə alaraq hazırlanıb, lakin bəzi mübahisəli məsələlər hələ də həll edilməyib, AFP bildirir.
-
Noyabrın 13-də Beynəlxalq Qırmızı Xaç və Əfqanıstan Taliban Hərəkatının nümayəndələri COP29 konfransı çərçivəsində Bakıda danışıqlar aparıblar.
-
Həbsdə olan ictimai fəal, birinci qrup əlil Famil Xəlilovun xanımı Kiçikxanım Xəlilova noyabrın 13-də COP29 konfransı zamanı izlənməyə məruz qalıb.
Rəy yaz