Açiq mənbələrdən foto.
Avropa İttifaqı Azərbaycanla viza rejiminin liberallaşdırılması məsələsinə baxmağa hazırdır - Avropa komissarı
Bakı/24.06.20/Turan: Avropa İttifaqının qonşuluq və genişlənmə siyasəti üzrə komissarı Oliver Vareli hesab edir ki, Avropa İttifaqı Azərbaycanla viza rejiminin liberallaşdırılması məsələsinə baxmağa hazırdır.
Vareli bu barədə Şərq Tərəfdaşlığı ölkələrinin xarici işlər nazirlərinin videokonfransının yekunlarına həsr olunmuş mətbuat konfransında bildirib, xəbəri SchengenVisaInfo.com yayıb.
Komissar qeyd edib ki, yaxın günlərdə Şərq Tərəfdaşlığı ölkələrindən, o cümlədən Azərbaycandan Avropa İttifaqına vizasız səyahət xahişinə baxıla bilər.
“Bizim meyarlarımız və şərtlərimiz məlumdur. Belə bir xahişlə bizə müraciət etsələr, əlbəttə ki, buna baxacağıq”, deyə Vareli bildirib.
Onun sözlərinə görə, “Şərq Tərəfdaşlığı Avropa üçün” əsas prioritetlərdən biridir və hər zaman belə qalacaq.
Öz növbəsində Avropanın ali nümayəndəsi Jozep Borell elə həmin mətbuat konfransında deyib:
“Bu gün biz Şərqdəki tərəfdaşlarımıza çətin zamanlarda belə bizə güvənə biləcəklərini aydın şəkildə çatdırdıq. Eyni zamanda, biz gələcəyə birgə baxmalı və bu münasibətləri, tərəfdaşlığın gələcək nəticələrini necə ən yaxşı şəkildə formalaşdırmalı olduğumuzu düşünməliyik”, deyə Borell qeyd edib.
Videokonfransın əsas məqsədi koronavirus pandemiyası dövründə birgə addımları, Avropa İttifaqının Şərq Tərəfdaşlığı regionunda koronavirusun nəticələrinin aradan qaldırılmasına yardımının həyata keçirilməsi məsələlərini müzakirə etməkdən ibarət idi.
Bir müddət əvvəl Avropa Şurası viza rejiminin liberallaşdırılmasında Şərq Tərəfdaşlığı ölkələrinin vizaların liberallaşdırılması üzrə mövcud fəaliyyət planına və readmissiya haqqında sazişə riayət etməsinin həyati əhəmiyyət kəsb etdiyini bəyan edib. -0-
-
- Cəmiyyət
- 24 İyun 2020 11:04
Siyasət
-
Azərbaycan bu həftə Fransada keçirilən Fransızofoniya Sammitindən sonra Ermənistana təxribatçı hərəkətlərdən çəkinməyə və ya normallaşma prosesini tamamlamaq, ya da qarşıdurma yolunu seçmək arasında qərar verməyə çağırıb.
-
Milli Məclisin 43 deputatı xarici işlər naziri Ceyhun Bayramova müraciət edərək, ABŞ-la münasibətlərə yenidən baxılması və müdafiə sahəsində əməkdaşlığa dair sazişlərin denonsasiyası çağırışı ilə çıxış edib.
-
Prezident İlham Əliyev 2024-2025-ci tədris ilində Azərbaycan Respublikasının ali təhsil müəssisələrinə daxil olan tələbələrə prezident təqaüdlərinin verilməsi haqqında sərəncam imzalayıb.
-
Oktyabrın 4-də Azərbaycanın Rusiyada yeni fövqəladə və səlahiyyətli səfiri Rəhman Mustafayev Rusiya xarici işlər naziri Sergey Lavrov tərəfindən qəbul edilib.
Rəy yaz