Josep Borrell
Bakı/13.09.22/Turan: Avropa İttifaqının ali nümayəndəsi Jozep Borrel Azərbaycan və Ermənistanı sərhəddə vəziyyətin deeskalasiyasına çağırıb.
“Son saatlarda Ermənistan-Azərbaycan sərhədi boyunca ciddi döyüşlər gedib, nəticədə adamlar həlak olub. Hərbi əməliyyatları dayandırmaq və danışıqlar masasına qayıtmaq vacibdir”, - Avropa İttifaqının saytında Borrelin bəyanatda deyilir.
"Bütün qüvvələr bu eskalasiyadan öncə tutduqları mövqelərinə qayıtmalı və atəşkəs rejiminə tam riayət olunmalıdır", - Borrel əlavə edib.
“Prezident Mişel hər iki ölkənin liderlərilə, mən isə xarici işlər nazirlərilə əlaqə saxlayıram.
"Avropa İttifaqı ümumi məqsədə - təhlükəsiz, çiçəklənən və dinc Cənubi Qafqazın yaradılmasına nail olmaq üçün Ermənistanla Azərbaycan arasında vicdanlı vasitəçi kimi çıxış etməkdə tam əzmlidir", - Borrel vurğulayıb.
Avropa İttifaqının xüsusi nümayəndəsi Toyvo Klaar deeskalasiyadan üçün addımların müzakirəsi və Ermənistanla Azərbaycan liderləri arasında dialoqun qurulması üçün dərhal hər iki ölkəyə səfər edəcək, Borrel bəyanatını yekunlaşdırıb. 06B
Siyasət
-
Gürcüstanda istintaq təcridxanasında aclıq aksiyası keçirən Azərbaycanın Azel.Tv saytının rəhbəri Əfqan Sadıqovun səhhətinin vəziyyəti gündən günə pisləşir. İki həftəlik aclıq aksiyası ərzində onun çəkisi 91 kq-dan 76 kq-dək azalıb. Bu barədə Turana onun həyat yoldaşı Sevinc Sadıqova jurnalistlə oktyabrın 4-də istintaq təcridxanasında görüşdükdən sonra bildirib Turan-a bildirib.
-
Oktyabrın 3-də Parisdə Fransa prezidenti Emmanuel Makron ilə Ermənistanın baş naziri Nikol Paşinyanın görüşü olub. Fransa prezidentinin mətbuat xidmətinin məlumatında deyilir ki, Makron Ermənistanın suverenliyinin və ərazi bütövlüyünün, həmçinin erməni xalqının sülh və demokratiya səylərinin dəstəklənməsində Fransanın əzmli olduğunu təsdiqləyib.
-
Avropa İttifaqının Ermənistandakı monitorinq missiyasının Rusiya və İrana qarşı kəşfiyyatla məşğul olması ilə bağlı Rusiya Federal Təhlükəsizlik Xidmətinin direktoru Bortnikovun şərhləri "Ermənistan qarşısındakı öhdəliklərin və verilən vədlərin dəfələrlə yerinə yetirilməməsini ört-basdır etməyə çalışan Rusiya rejiminə xas olan tamamilə cəfəngiyyat, yalan və manipulyasiyadır". Bu barədə Avropa İttifaqı Xarici Siyasət Xidmətinin nümayəndəsi Piter Stano Astanada MDB ölkələri təhlükəsizlik orqanları rəhbərlərinin toplantısında Bortnikovun bugünkü çıxışını şərh edərkən bildirib.
-
113 gündür həbsdə aclıq edən iqtisadçı Fazil Qasımovun hərarəti dünəndən 39 dərəcə olaraq qalır. Bu barədə cümə günü yaxınları Penitensiar Xidmətin müalicə müəssisəsində ona baş çəkdikdən sonra Turan-a bildiriblər.
Rəy yaz