Açiq mənbələrdən foto.
Avropa İttifaqı, NATO və ABŞ nümayəndələri Ermənistan-Azərbaycan sərhədində eskalasiya barədə
Bakı/13.09.22/Turan: Ermənistan-Azərbaycan sərhədində hərbi əməliyyatlar və intensiv atışmalar dərhal dayandırılmalıdır. Bu barədə Avropa İttifaqının Cənubi Qafqaz üzrə xüsusi nümayəndəsi Toyvo Klaar öz Tvitter səhifəsində yazıb.
O qeyd edib ki, Avropa İttifaqı gərginliyin səngiməsi üçün tərəflərlə sıx təmasdadır.
NATO-nun Cənubi Qafqaz və Mərkəzi Asiya üzrə xüsusi nümayəndəsi Havyer Kolomina da Tvitter hesabında yazıb: “Ermənistan- Azərbaycan sərhədində gedən döyüşlər, Ermənistanda yaşayış məntəqələrinə və mülki infrastruktura endirilən zərbələr barədə xəbərlərdən çox narahatam. NATO hərbi əməliyyatların dərhal dayandırılmasına və təcili deeskalasiyaya çağırır”.
ABŞ-ın ATƏT-dəki xüsusi nümayəndəsi Maykl Karpenter yazır ki, “Ermənistanda mülki obyektlərə zərbələrin endirilməsi barədə xəbərlər qəbuledilməzdir və dərhal dayandırılmalıdır. Dağlıq Qarabağda münaqişənin hərbi yolla həlli yoxdur, diplomatiya qalib gəlməlidir”. 16D
Siyasət
-
Məşhur iqtisadçı və siyasi xadim Qubad İbadoğlunun ev dustaqlığına buraxıldıqdan sonra hüquqlarını daha da məhdudlaşdırırılıb. Onun şəxsiyyət vəsiqəsi fəaliyyətsiz edilib.
-
BAKI, Azərbaycan (Reuters) - BP-Azerbaijan Şahdəniz qaz-kondensat yatağındakı Alpha dəniz platformasında əməliyyatları qaz kondensatının nəqli üçün istifadə olunan sualtı qaz boru kəmərində baş verən texniki nasazlıq səbəbilə dayandırıb. Bu barədə şirkətin sözçüsü Tamam Bayatlı cümə günü bildirib.
-
Qazaxıstanın Aktau şəhəri yaxınlığında baş verən təyyarə qəzası nəticəsində xəsarət alan şəxslərdən ümumilikdə 5 nəfərin (1 kişi, 4 qadın cinsli) müalicəsi Yeni Klinikada davam etdirilir.
-
Aİ-nin xarici işlər və təhlükəsizlik siyasəti üzrə ali nümayəndəsi Aİ-nin Ermənistanda mülki missiyasının yerləşdirilməsinin daha iki il müddətinə uzadılmasını təklif edib. Bu barədə Aİ-nin xarici işlər və təhlükəsizlik siyasəti üzrə nümayəndəsinin mətbuat xidmətinin “Azadlıq” radiosunun erməni xidmətinin sorğusuna cavabında deyilir.
Rəy yaz