Açiq mənbələrdən foto.
Bakı/08.12.22/Turan: “Avropa İttifaqı iqtisadiyyatın gələcək şaxələndirilməsi, iş yerlərinin yaradılması və inklüziv kənd inkişafının təşviqi üçün Azərbaycana 2 milyard avroya qədər vəsait ayıracaq. Bu barədə Turan-a Avropa İttifaqının Bakıdakı nümayəndəliyindən bildirilib.
"Bu gün Avropa İttifaqı və Azərbaycanın əməkdaşlığı nəticəsində Avropa İttifaqının İqtisadi İnvestisiya Planı üzrə yüksək səviyyəli işçi qrupu fəaliyyətə başlayıb. Yeni əlaqələndirici orqan Avropa İnvestisiya Bankı Avropa Yenidənqurma və İnkişaf Bankı, habelə Avropa İttifaqına üzv dövlətlərin maliyyə inkişaf institutları ilə birlikdə “Avropa komandası” ruhunda investisiyaları istiqamətləndirəcək və prioritetləşdirəcək. Bu, ölkəyə 2 milyard avroya qədər investisiya cəlb etmək üçün Azərbaycanın iqtisadi və investisiya planının potensialını maksimum dərəcədə artırmağa kömək edəcək”, - məlumatda deyilir.
İşçi qrupu prioritet investisiya layihələrinin müəyyən edilməsi və birgə həyata keçirilməsi üçün Avropa Komissiyası, Azərbaycan hökuməti və Avropa maliyyə institutları ilə müntəzəm görüşlər keçirəcək, bərpa olunan enerji, kommunikasiya, kiçik və orta biznes, yaşıl və rəqəmsal texnologiyalara keçidlə bağlı investisiya imkanlarını araşdıracaq.
Avropa Komissiyasının Şərq qonşuluğu və institusional quruculuq üzrə direktoru Lourens Meredit deyib ki, iqtisadi və investisiya planı üzrə yüksək səviyyəli işçi qrupunun fəaliyyətə başlaması Azərbaycanla sıx tərəfdaşlığın daha bir bariz göstəricisidir.
“İqtisadi- investisiya planı artıq Azərbaycan xalqına nəzərəçarpacaq faydalar verir. Belə ki, artıq Azərbaycana 90 milyon avroya qədər vəsait ayrılıb. Bura Gəncədə küçə işıqlandırmasınınyaxşılaşdırılmasına və ölkə daxilində kiçik biznesin maliyyəyə çıxışının dəstəklənməsinə ayrılan investisiyalar daxildir. İşçi qrupunun fəaliyyətə başlaması ilə biz Azərbaycan və onun xalqının İqtisadi İnvestisiya Planında nəzərdə tutulan investisiya potensialından daha çox faydalanmasını təmin edə bilərik”- məlumatda deyilir. -16D-
Siyasət
-
COP29 iqlim sammitində əldə edilən razılaşma BMT Baş Katibi Antoniu Quterreş tərəfindən iqlim dəyişikliyinə qarşı qlobal səylərdə mühüm addım kimi qiymətləndirilib. Yüksək səviyyəli müzakirələrin yekununda çıxış edən Quterreş, bu razılaşmanın qlobal istiləşməni 1,5°C həddində saxlamaq məqsədini qorumaq üçün həlledici olduğunu vurğulayıb. Bu hədd iqlim dəyişikliyinin ən pis təsirlərini qarşısını almaq üçün kritik hesab olunur.
-
Noyabrın 23-də Bakıda BMT-nin İqlim Dəyişmələri üzrə Çərçivə Konvensiyasının Tərəflər Konfransının 29-cu sessiyasının (COP29) keçirildiyi məkanda müxtəlif ölkələrdən olan ekofəlallr liderlərin kifayət qədər iqlim maliyyəsi ödənilməsi barədə razılığa gələ bilməməsinə etiraz olaraq aksiya keçirib.
-
Bakıda COP29 iqlim konfransının bağlanışı ərəfəsində Beynəlxalq Jurnalistləri Müdafiə Komitəsi Azərbaycanda həbs olunmuş jurnalistlərin cinayət işlərinə diqqəti yönəldib.
-
Bakıda keçirilən BMT-nin İqlim Dəyişikliyi üzrə Çərçivə Konvensiyasının (UNFCCC) 29-cu sessiyası üzrə danışıqlar 24 noyabr tarixinə qədər uzadılıb. Bu barədə UNFCCC Katibliyindən bir mənbə Turan informasiya agentliyinə məlumat verib. Mənbənin sözlərinə görə, iştirakçılar həmin tarixə qədər yekun sənədləri razılaşdırıb imzalamağı planlaşdırırlar.
Rəy yaz