Avropa İttifaqı Şurası Avropa İttifaqının Ermənistandakı mülki missiyasının mandatını iki il  uzadıb

Yanvarın 30-da Avropa İttifaqı Şurası Avropa İttifaqının Ermənistandakı missiyasının (EUMA) mandatını daha iki il - 19 fevral 2027-ci ilədək uzatmaq barədə qərar qəbul edib.

Bundan ötrü 44 milyon avro (20 fevral 2025-ci ildən  19 fevral 2027-ci ilədək olan dövr) ayrılıb.

"EUMA Avropa İttifaqının regionda sülhün və sabitliyin qorunması səylərinin mühüm komponentidir. Missiyada məqsəd yerlərdəki vəziyyəti müşahidə etmək və bu barədə bildirmək, münaqişədən təsirlənən ərazilərdə adamların təhlükəsizliyini təmin etmək və mümkün olduğu yerlərdə Ermənistan və Azərbaycan arasında inamın möhkəmləndirilməsini dəstəkləməkdir. Missiyanın mandat vəzifələri dəyişməz olaraq qalır - EUMA silahsız mülki missiyadır və belə də qalacaq", - Avropa İttifaqının məlumatında deyilir.

Missiyaya doktor. Markus Ritter rəhbərlik edir. Missiyanın beynəlxalq və yerli personal daxil olmaqla,  200-dən çox əməkdaşı var.

EUMA müşahidəçiləri və mülki ekspertlər 25 Avropa İttifaqına 25 üzv dövləti və Kanadanı təmsil edirlər. EUMA Şuranın qərarı ilə 20 fevral 2023-cü ildə yaradılıb və eyni vaxtda operativ fəaliyyətə başlayıb.