![Açiq mənbələrdən foto.](https://turan.az/resized/media/2023/main/081500065438-750-500-resize.webp)
Açiq mənbələrdən foto.
Avropa İttifaqının müşahidəçi missiyası bildirib ki, atəş erməni səngərinə açılıb, xəsarət alan yoxdur /YENİLƏNİB/
Bakı/15.08.23/Turan: Avqustun 15-də axşam Avropa İttifaqının Ermənistandakı müşahidəçi missiyası əvvəlki məlumatına düzəliş edərək bildirib ki, bu gün müşahidəçiləri atəşə tutulub, amma heç kim xəsarət almayıb.
Missiyanın Tvitterdəki məlumatında bunun məhz harada baş verdiyi və atəşin hansı tərəfdən açıldığı açıqlanmır.
Lakin bir az sonra yayımlanan videoda müşahidəçilərdən biri onların erməni səngərinə sığındıqlarını deyir və səngərin tavanında iki güllənin izlərini göstərir. 0
* * *
2023 Avqust 15 (Çərşənbə axşamı) 16:10:54
Azərbaycan Müdafiə Nazirliyi və avropalı müşahidəçilər Azərbaycan tərəfdən atəş açılması ilə bağlı ermənilərin iddialarını təkzib ediblər
Bakı/15.08.23/Turan: Avqustun 15-də saat 12:20-də Azərbaycan Silahlı Qüvvələrinin Verin Şorja kəndi ərazisində Avropa İttifaqı müşahidəçilərinin istiqamətində atəş açması barədə Ermənistan Müdafiə Nazirliyinin məlumatı həqiqətəuyğun deyil.
“Bu, Ermənistan tərəfinin növbəti dezinformasiyasıdır. Avropalı müşahidəçilərin səfərinin vaxtı, hərəkət marşrutu, ərazidəki koordinatları, eləcə də avtomobillərin markası və nömrə nişanları əvvəlcədən Azərbaycan tərəfinə təqdim edilir. Bu səbəbdən də Ermənistan Müdafiə Nazirliyinin iddia etdiyi halın baş verməsi nəzəri və praktiki baxımdan qeyri-mümkündür”, - Azərbaycan hərbi İdarəsinin məlumatında qeyd olunub.
Avropalı müşahidəçilərin Tvitterdəki hesabında da bildirilir ki, sərhəddə missiya nümayəndələrinin atəşə tutulması ilə bağlı erməni tərəfinin iddiaları həqiqətəuyğun deyil. "Avropa İttifaqı müşahidəçi missiyasının nümayəndələrindən heç kim atəşə tutulmayıb", - məlumatda deyilir. 02/16B
-
- Siyasət
- 15 Avqust 2023 16:54
Siyasət
-
İyulun 19-dan iyulun 26-dək Xankəndidə 24 avtomat, 1 pulemyot, 9 tüfəng, 28 qumbara, 441 mərmi, 3118 müxtəlif çaplı patron və digər döyüş sursatları aşkar edilib, bu barədə Daxili İşlər Nazirliyi məlumat yayıb.
-
Prezident İlham Əliyev fərmanla müdafiə sahəsində hərbi kəşfiyyat sahəsində əməkdaşlıq haqqında Azərbaycan-Qazaxıstan hökumətlərarası sazişi təsdiq edib.
-
Bakı Ağır Cinayətlər Məhkəməsində müxalif siyasətçi Tofiq Yaqublunun məhkəməsində digər təqsirləndirilən Elnur Vaqıfoğlunun ifadəsi dinlənilib.
-
Avropanın “EU Reporter” nəşri cümə günü onun siyasi redaktoru Nik Pauelin Şuşada keçirilən Qlobal Media Forumunda iştirak edərkən təbii səbəblərdən vəfat etməsi barədə məlumat yayıb.
Rəy yaz