Bakı/08.07.21/Turan: Avropa İttifaqının qonşuluq və genişlənmə üzrə komissarı Oliver Varheyinin Cənubi Qafqaz ölkələrinə səfəri ötən cümə günü qəbul edilmiş "Şərq tərəfdaşlığı" ölkələrinə yeni yardım planının təqdimatı məqsədi daşıyıb. Bu barədə Varheyi iyulun 8-də Bakıda keçirdiyi brifinqdə bildirib.
Yeni plan postkovid dövründə region ölkələrinə yardımı nəzərdə tutur və iqtisadi, sosial sahələri əhatə edir. Bu yardım karantinin nəticələrinin aradan qaldırılmasında region ölkələrinə əlavə dəstək olacaq.
"Azərbaycan regionun ən güclü və inkişaf etmiş dövlətidir və pandemiyadan az itkilərlə çıxır. Lakin Azərbaycanın gələcəyi regionun digər dövlətlərinin taleyindən də asılıdır", - o deyib.
"Bizim təkliflərimiz Avropadan investorların cəlb olunmasını və ticarət əlaqələrinin genişləndirilməsini əhatə edir", - Varheyi qeyd edib.
O, münaqişədən sonrakı vəziyyətə toxunaraq deyib ki, Avropa İttifaqı regionda uzunmüddətli sülhə nail olmaq üçün bütün ölkələrə öz xidmətlərini təklif edir.
"Biz Gürcüstanın vasitəçiliyilə əsirlərin və minalanmış ərazilərin xəritələrinin verilməsini alqışlayırıq və Gürcüstanın baş nazirinə təşəkkürümüzü bildiririk. Bu, ilk addımlardır və regionda uzunmüddətli sülh üçün əsasdır", - komissar deyib.
Bakıya səfərindən danışan Avropa komissarı onun yekunlarından məmnunluğunu ifadə edbi. Onun sözlərinə görə, münasibətlərdə "yeni başlanğıc" əldə etmək mümkün olub. —06D-
Siyasət
-
Livanın Səhiyyə Nazirliyinin məlumatına görə, İsrailin ən az 52 nəfərin həlak olması ilə nəticələnən aviazərbələrindən sonra Livanın şimal-şərqində xilasedicilər sağ qalanları tapmağa tələsirlər. Cümə günü axşam endirilən zərbələr Livanın Bekaa vadisini hədəf alıb, bu da təxliyəyə səbəb olub və bir neçə binanı xarabalığa çevirib, bu bölgə üzərində tüstü görünür.
-
"Abzas Media işi" üzrə həbs edilən bütün şəxslərin müdafiə hüququ pozulur və cinayət işinin içərisində olan video materialların surətləri qanunsuz olaraq müdafiə tərəfinə təqdim edilmir. Bu barədə Abzas Media-nın baş redaktoru Sevinc Vaqifqızının hüquqlarını müdafiə edən vəkil Elçin Sadıqov bildirib.
-
Oktyabrın sonlarında Ukraynanın Baş Kəşfiyyat İdarəsi (GUR) Rusiya tərəfindən Ukraynaya yaxın ərazilərə 7,000-dən çox Şimali Koreya əsgərinin yerləşdirildiyini bildirdi. Bu əsgərlər ən azı 28 hərbi uçuş vasitəsilə gətirilib. Ukrayna mənbələrinə görə, bu Şimali Koreya Xalq Demokratik Respublikası (ŞKXDR) əsgərləri Rusiya tərəfindən təmin edilən 60 mm-lik minaatanlar, AK-12 avtomatları, PKK/PKM pulemyotları, SVD snayper tüfəngləri, "Feniks" tank əleyhinə raketləri və RPG-7 əl qumbarasıatıcıları ilə təchiz olunublar. Onlara eyni zamanda gecə görmə cihazları, termal görüntüləyicilər və digər xüsusi avadanlıqlar da verilib.
-
İranın Ali Milli Təhlükəsizlik Şurası İsrailə cavab zərbəsi endirilməsi haqqında qərar qəbul edib, xəbəri şura üzvü Esmail Kosari verib.
Rəy yaz