![Avropaya qaz nəqlində Rusiyanı Əlcəzair, Azərbaycan və Türkmənistan əvəz edəcək](https://turan.az/resized/media/2022/main/021300044683-750-500-resize.webp)
Avropaya qaz nəqlində Rusiyanı Əlcəzair, Azərbaycan və Türkmənistan əvəz edəcək
Bakı/13.02.22/Turan: İtaliya xarici işlər nazirinin müavini Manlio Di Stefano ölkənin Rusiya qazından asılılığını Əlcəzair, Türkmənistan və Azərbaycanın hesabına azaltmağın zəruriliyini bəyan edib.
"İlin əvvəlində Moskva İtaliya üçün Ukrayna üzərindən qaz nəqlini iki dəfə azaldıb. Enerji təhlükəsizliyimiz üçün bu təhlükə təcili tədbirlər tələb edir. Biz ən etibarlı tərəfdaşlarla işləyirik", - Di Stefano la Repubblica qəzetə bildirib.
Nazir müavininin sözlərinə görə, Əlcəzair belə tərəfdaşdır və Trans-Adriatik Qaz Boru Kəməri (TAP) Azərbaycan qazının nəql olunduğu mənbələrin şaxələndirilməsi üçün vacibdir. Onun sayəsində əhali üçün qazın bahalaşmasını cilovlamaq mümkün olub.
Di Stefano təsdiqləyib ki, İtaliya TAP-ın gücünü 10 milyard kubmetr qaza çatdırmağı gözləyir.
“Digər perspektivli istiqamət Xəzər dənizində Transxəzər kəməri ilə birləşdirilə bilən Türkmənistandır.
Türkmənistan dünyanın ən böyük qaz ehtiyatlarına malikdir və Avropa gələcəkdə problem yaşamamaq üçün qabaqcadan düşünməlidir.
Fevralın əvvəlində Di Stefano Azərbaycanın energetika naziri Pərviz Şahbazovla telefon danışığı aparıb. Söhbət Azərbaycandan verilən qazın 8 milyard kubmetrdən 10 milyard kubmetrə çatdırılmasından gedirdi.
Xarici işlər nazirinin müavini daha sonra “Avropanın enerji təhlükəsizliyini artırmaq məqsədilə” strateji planda TAP-ın tutumunun iki dəfə artırılmasının məqsədəuyğun olduğunu açıqlayıb.-02D-
Siyasət
-
Bakı Ağır Cinayətlər Məhkəməsində müxalif siyasətçi Tofiq Yaqublunun məhkəməsində digər təqsirləndirilən Elnur Vaqıfoğlunun ifadəsi dinlənilib.
-
Avropanın “EU Reporter” nəşri cümə günü onun siyasi redaktoru Nik Pauelin Şuşada keçirilən Qlobal Media Forumunda iştirak edərkən təbii səbəblərdən vəfat etməsi barədə məlumat yayıb.
-
43-cü gündür aclıq edən iqtisadçı Fazil Qasımovun vəziyyəti kəskin pisləşib. İyulun 26-na keçən gecə o, 1 sayl Bakı İstintaq Təcridxanasından Penitensiar Xidmətin müalicə müəssisəsinə köçürülüb. Bu barədə Turan-a onun qardaşı Nazim Qasımov bildirib.
-
İyulun 26-da Bakı Ağır Cinayətlər Məhkəməsində ictimai fəal Bəxtiyar Hacıyevin işi üzrə proses davam etdirilib. Üç şahidin ifadəsini dinləyiblər.
Rəy yaz