Bakı/24.04.20/Turan: Aprelin 22-də inzibati qaydada həbs olunmuş Azərbaycan Xalq Cəbhəsi Partiyasının Suraxanı şöbəsinin üzvü Arif Babayev fiziki təzyiqlərə məruz qaldığını bildirib.
Arif Babayev İnzibati Xətalar Məcəlləsinin 388-1.1-ci maddəsinin pozmasında təqsirıi bilinib və Suraxanı Rayon Məhkəməsi tərəfindən 30 sutka müddətinə inzibati qaydada həbs olunub.
Partiyadan Turana verildiyi məlumata görə, Arif Babayev Suraxanı Rayon 30-cu polis bölməsində döyülüb. "Bundan əlavə o, DİN-in İnzibati Həbs Olunanların Saxlanılma Məntəqəsində hədə-qorxu yolu ilə günahını etiraf etməsi və gələcəkdə dövlətçiliyə qarşı çağırışlar etməyəcəyi haqda çıxışa məcbur edilərək video çəkiliş edilmişdir".
Daxili İşlər Nazirliyin mətbuat xidmətinin rəhbəri Ehsan Zahidov Turana məlumatı təkzib edib. "Polis bölmələrində saxlanılanlara işgəncə verilməsi barədə məlumatlar absurddur. Əgər kimsə sosisal şəbəkələrdə qadağan olunmuş, insanları təşvişə sala biləcək məlumatları yayıbsa həmin şəxslər müəyyən olunur və barələrində tədbir görülür. Konket Babayevə gəlincə, ona niyə işgəncə verilməlidir və ya hədə-qorxu gəlinməlidir ki? Əgər o hər hansı status yazıbsa, fakt göz qabağındadır və o statusu yazdığını etraf edirsə ona niyə hədə-qorxu gəlinməlidir?".
Siyasət
-
Almaniyanın xarici işlər naziri Annalena Berbok noyabrın 22-də axşam Turan agentliyinin ofisində Azərbaycanın vətəndaş cəmiyyətinin nümayəndələri ilə görüş keçirib.
-
Azərbaycanın xarici işlər naziri Ceyhun Bayramov bu gün COP29 çərçivəsində almaniyalı həmkarı Annalena Berbokla görüş keçirib.
-
Bakının yaxınlığında yerləşən 1-ci Kürdəxanı Müvəqqəti Saxlama Təcridxanasında saxlanılan jurnalist İmran Əliyev noyabrın 18-də başladığı aclıq aksiyasını dünən dayandırdı. Məclis.info saytının rəhbəri olan Əliyev, hərəkətlərində cinayət tərkibi olmadığını əsas gətirərək azadlığa buraxılmasını tələb edirdi.
-
Almaniya Avropada hərbi münaqişənin genişlənməsinin qarşısını almağa çalışır və bunun üçün səy göstərir. Müharibənin başlamasından min gün keçdiyi bir vaxtda Putin təkcə Ukraynanı deyil, Baltika ölkələrini və Polşanı da təhdid edir. Bu barədə noyabrın 22-də Bakıda keçirilən mətbuat konfransında Almaniyanın XİN başçısı Annalena Berbok Rusiyanın Ukraynaya qarşı ballistik raketlərdən istifadə etməsindən sonra Berlinin Kiyevə "Taurus" raketləri verib-verməyəcəyi haqqında suala cavabda bildirib.
Rəy yaz