Məmur qanunsuzluğunun növbəti aktı bu gün AXCP-nin ofis kimi icarə götürdüyü şəxsi evin sökülməsi olub.
Evin sahibi Azər Əsgərov söküntü ilə əlaqədar qəti etirazını bildirib və məhkəməyə verəcəyi ilə hədələyib.
“Mənim xəbərim olmadan şəxsi mülkiyyətimi sökməyə nə haqqınız var? Yazılı qərarınız hanı, siz kimsiniz, Kəmaləddin Heydərov?”, deyə Əsgərov əsəbi şəkildə binanı sökən fəhlələrdən soruşub.
Əsgərov jurnalistlərə bildirib ki, partlayışdan əvvəl FHN rəhbəri onu hədələyib, həm də məhz partlayışla hədələyib.
Əsgərov bildirib ki, Türkiyədə yaşayır və orada belə dəfələrlə hədələrlə qarşılaşıb.
Hədələrin arxasında nə durduğu haqqında suala cavabda o bildirib ki, bu, evi AXCP-yə icarə verdikdən sonra baş verib. “Hakimiyyət AXCP-ni ofissiz qoymaq istəyirsə, mən yeni ev alacağam və yenə də AXCP-yə icarə verəcəyəm”, deyə hakim partiyanın keçmiş üzvü olan Əsgərov bildirib.
Öz növbəsində, Nərimanov rayon icra hakimiyyətinin başçısı və kommunal xidmət işçiləri Turan-ın müxbirinə qəza vəziyyətində olmayan şəxsi evi hansı qərar və qanun əsasında sökdüklərini izah etməkdən imtina ediblər.
“Bizə danışmaq qadağandır”, deyə adını söyləməyən hakimiyyət nümayəndəsi bildirib. -16В-
Siyasət
-
Yanvarın 10-da Bakı Ağır Cinayətlər Məhkəməsində Demokratik Qüvvələrin Milli Şurasının və Müsavat Partiyasının üzvü Tofiq Yaqublunun işi üzrə növbəti iclas gərgin atmosferdə keçib.
-
Cənubi Kaliforniyada yanvarın 7-də başlamış yanğını lokallaşdırmaq mümkün olmayıb. ABŞ prezidenti Co Bayden genişmiqyaslı təbii fəlakət rejiminin tətbiq edildiyini açıqlayıb.
-
İran yüksək dağlıq ərazidə yerləşən Gilan əyalətində 800 km mənzilli yeni üfüqüstü radar quraşdırıb. O, ölkənin şimal hava məhakının monitorinqi üçün nəzərdə tutulub və İran HHM sisteminə inteqrasiya olunub, xəbəri İranın ISW nəşri yayıb.
-
Milli Şuranın üzvü Cəmil Hacıyev üzərində "Siyasi məhbuslara azadlıq!" yazılmış plakat qaldırarkən polislər onu saxlayıb. Bu, yanvarın 10-da saat 17:00 radələrində Bakı Ağır Cinayətlər Məhkəməsinin qarşısında baş verib.
Rəy yaz