![Prezident sahibkarlıq fəaliyyəti üzrə qanunvericiliyi qabaqcıl beynəlxalq təcrübə nəzərə almaqla təkmilləşdirməyi tapşırıb (YENİLƏNİB)](https://turan.az/resized/media/2014/main/030400071433-750-500-resize.webp)
Prezident sahibkarlıq fəaliyyəti üzrə qanunvericiliyi qabaqcıl beynəlxalq təcrübə nəzərə almaqla təkmilləşdirməyi tapşırıb (YENİLƏNİB)
2014 Mart 04 (Çərşənbə axşamı) 13:39:28
Prezident İlham Əliyev sahibkarlıq fəaliyyəti üzrə qanunvericiliyi təkmilləşdirmək və əlverişli biznes mühit yaratmaq üçün martın 3-də «Sahibkarlığın inkişafı üzrə əlavə tədbirlər haqqında» fərman imzalayıb. Sənəd bu sahədə təkliflər hazırlanmasını nəzərdə tutur.
Prezident Nazirlər Kabinetinə tapşırıb ki, 2 aya sahibkarlıq fəaliyyəti üzrə qanunvericiliyi qabaqcıl beynəlxalq təcrübə nəzərə almaqla təkmilləşdirmək, səkkiz istiqamət üzrə sahibkarlıq fəaliyyətinın təmin edilməsi üçün təkliflər hazırlayıb təqdim etsin. Ekspertlərə görə Azərbaycan bir sıra məsələlərdə ciddi tərəqqiyə nail olub.
Fərman kommersiya subyektlərinin “vahid pəncərə” prinsip ilə qeydiyyatının prosedur və müddətində təkliflər hazırlanmasını nəzərdə tutur. Bu sahədə islahatlar 2008-ci ildən başlayıb və bu sistem tələb edilən sənədlər, müddət və qeydiyyat forması cəhətdən təkmilləşdirilib. Şirkətlər və fiziki şəxslər elektron rejimdə bir neçə dəqiqəyə minimal sənədlə dövlət qeydiyyatına alına bilər. Proses 2 gündən az davam edir. Qeydiyyatı vergilər Nazirliyi həyata keçirir. Mümkündür ki, kommersiya subyektlərinin qeydiyyatı «ASAN Xidmət» mərkəzlərində mümkün olsun.
Tikinti sahəsində də dəyişikliklər gözlənilir. Prezident tapşırıb ki, bu sahədə icazə prosedurları və müddəti azaldılsın. Ekspertlər qeyd edir ki, sahibkarlar tikintiyə başlamaq üçün 6 ay və daha çox müddət sərf edir. Onların fikrincə, tikinti fəaliyyətinin lisenziyalaşdırılması qaydalarına da yenidən baxılmalıdır. Məsələn, mülki tikinti ilə məşğul olan şirkət obyekti “açar təhvili” üçün bir neçə lisenziya lazımdır və bu, onlara 170 000 manata başa gəlir.
Hökumət həmçinin elektron sənəd qəbulu, prosedur, müddət şəbəkəyə qoşulma müddət və xərclərini azaltmaq üçün təkliflər hazırlamalıdır. Daşınmaz əmlakın qeydiyyatı, idxal-ixrac əməliyyatları sahəsində də prosedur, müddət və xərcləri azaltmaq üçün təkliflər hazırlanacaq.
«Müflisləşmə və iflas haqqında» qanuna də dəyişiklik tələb olunur. Nazirlər Kabineti Ədliyyə, İqtisadiiyyat və Sənaye nazirlikləri, QKDK ilə birgə korporativ idarəetmə və investorların hüquqlarının müdafiəsi üzrə təkliflər hazırlayacaq. Ekspertlərə görə, korporativ idarəetmə üzrə tələblərin təkmilləşdirilməsi üzrə qanun layihələri beynəlxalq strukturlarla birgə hazırlanıb və parlamentə təqdim etmək üçün hazırdır. 08D
-
- İqtisadiyyat
- 4 Mart 2014 18:48
-
- Siyasət
- 4 Mart 2014 18:52
İqtisadiyyat
-
Azərbaycan Prezidenti İlham Əliyev, Dövlət Gömrük Komitəsinin xaricdə və beynəlxalq təşkilatlarda nümayəndələrinin rolunu və təyinatını tənzimləyən iki prezident fərmanına dəyişikliklər imzalayıb.
-
Auditorlar Palatasına görə, 2023-cü ildə Azərbaycanda audit təşkilatları və müstəqil auditorlar 133.2 milyon manat (78.4 milyon dollar) dəyərində 7,232 müqavilə bağlayıb, bu da müqavilələrin sayında 20% və ümumi dəyərində isə 7.1% artımı əks etdirir.
-
Qobustan Günəş Elektrik Stansiyası layihəsi üzrə hərrac iştirakçılarının təqdim etdikləri təkliflərin qiymətləndirilməsi üçün, Avropa Yenidənqurma və İnkişaf Bankının (AYİB) dəstəyi ilə hərrac komissiyasının üçüncü iclası keçirildi. İclasda əsas diqqət ilkin uyğunluğun müəyyənləşdirilməsi və hərrac qalibinin seçilməsinə yönəldilib, bu barədə Bərpa Olunan Enerji Mənbələri üzrə Dövlət Agentliyi məlumat verib.
-
Bu yaxınlarda Azərbaycanın “Qarabağ” gəmisinin adının dəyişdirilərək “Mingəçevir” olmasında heç bir sensasiya yoxdur, yeni ad gəmiyə iki gəminin eyni ad altında işləməməsi üçün verilib, deyə Azərbaycan Xəzər Dəniz Gəmiçiliyinin (ASCO) Ticarət Donanmasında “Turan”a məlumat verilib.
Rəy yaz