Açiq mənbələrdən foto.
Azərbaycan 5 ədəd Boeing 777 yük təyyarəsi alır
Bakı/28.04.21/Turan: Boeing şirkəti və Azərbaycanın Silk Way West Airlines aviaşirkəti bu gün beş ədəd Boeing 777 Freighter təyyarəsinin sifarişi barədə məlumat yayıb. Bu, Xəzər regionunda və Orta Asiyada alınan böyük yükgötürmə qabiliyyətinə və uzun uçuş məsafəsinə malik ilk yük təyyarələridir.
“Bu sövdələşmə aviaparkımızın yenilənməsinin ilk mərhələsidir. Yeni yük laynerlərinin əldə edilməsi yaxın 15-20 il ərzində yük aviadaşımalarında bizim lider mövqeyimizi möhkəmləndirəcək”, deyə Silk Way Group-un prezidenti Zaur Axundov bildirib.
Sazişin imzalanması mərasimi çərşənbə günü Bakıda hər iki tərəfin rəhbərliyinin iştirakı ilə keçirilib. Sövdələşmənin dəyəri və şərtləri açıqlanmır. Açıq mənbələrdə yer alan məlumatlara görə, belə bir təyyarənin qiyməti 358 mln. dollardır.
777 Freighter dünyada ən böyük, ən uzaq uçuş məsafəsinə malik və ən güclü iki motorlu yük təyyarəsidir. Onun uçuş məsafəsi 9200 kilometr, daşıya biləcəyi maksimum yük 100 tondan çoxdur.
Silk Way West Airlines 2012-ci ildə təsis edilib, Xəzər dənizi regionunda ən böyük yük aviaşirkətidir. Şirkətin illik yük dövriyyəsi 350 000 ton təşkil edir. Aviaşirkət hər ay bütün dünyada 40 istiqamət üzrə 350-yə yaxın müntəzəm reys həyata keçirir. -02D-
-
- İqtisadiyyat
- 28 Aprel 2021 17:04
Siyasət
-
Seçkilərin Monitorinqi və Demokratiyanın Tədrisi Mərkəzinin rəhbəri Anar Məmmədli və "Meclis.info" saytının rəhbəri İmran Əliyevin cinayət işi "Abzas Media" əməkdaşlarına qarşı qaldırılan cinayət işindən ayrılaraq istintaqı ayrıca icraatda aparılır. Bu barədə istintaq orqanın artıq qərarı var. Bu barədə vəkillər Emar Süleymanov və Elçin Sadıqov Turan-a bildiriblər.
-
İnsan Hüquqları İnstitutu (İHİ) və Reportyorların Azadlıq və Təhlükəsizlik İnstitutunun (RATİ) təmsil etdiyi Sürgündə Azərbaycan Vətəndaş Koalisiyası (AZEX) əlil hüquq müdafiəçisi Famil Xəlilovun həbsinə görə Azərbaycan hakimiyyətini qınayır və dərhal azadlığa buraxmağa çağırır.
-
Cümə axşamı Birləşmiş Ştatlar sülh sazişi üzrə danışıqları irəli sürmək üçün mayın 10-da Almatıda Azərbaycan və Ermənistan xarici işlər nazirlərini qəbul etmək təklifini alqışlayıb.
-
Mayın 9-da Bakının Xətai Rayon Məhkəməsində “Abzas Media”nın direktoru Ülvi Həsənli, bu nəşrin baş redaktoru Sevinc Vaqifqızı və onlayn Meclis.info platformasının rəhbəri İmran Əliyevin ev dustaqlığına buraxılması barədə vəsatətlərə ayrıca baxılıb. Prosesə Fuad Axundov sədrlik edib.
Rəy yaz