![Açiq mənbələrdən foto.](https://turan.az/resized/750/500/resize/media/2021/main/082700037553.jpg)
Açiq mənbələrdən foto.
Azərbaycan avqustun 25-də sərhədçiyə hücum barədə məlumatı Ermənistana təqdim edib
Bakı/27.08.21/Turan: Azərbaycanın bağladığı Gorus-Qafan trassının sahələrinin açılması ilə bağlı danışıqlar hələlik nəticə verməyib. Ermənistanın Milli Təhlükəsizlik Xidmətinin məlumatına görə, Azərbaycan tərəfilə danışıqlar Rusiya sərhədçilərinin iştirakı ilə aparılır. Bu barədə avqustun 27-də "Sputnik-Armaniya" bildirib.
Mənbənin məlumatına görə, Azərbaycan Dövlət Sərhəd Xidməti sözügedən trassda sərhəd postlarından birindən azərbaycanlı sərhədçiyə hücum barədə məlumatları ermənistan tərəfinə verib.
Bundan sonra Ermənistan Milli Təhlükəsizlik Xidməti bu məlumatların yoxlanılması üçün əməliyyat-axtarış tədbirlərinə başlayıb, - məlumatda bildirilir.
"Sputnik-Armeniya" iddia edir ki, əvvəlcə Bakı azırbaycanlı sərhədçiyə hücum edən və yaralayan erməni hərbçilərinin verilməsinə israr edib. Bakının fikrincə, hərbçi "onların ərazisində yaralanıb" və bu, təxribat kimi qəbul edilib. Erməni mənbənin məlumatına görə, tərəflərin danışıqları son dərəcə emosional keçir.
Erməni tərəfi hesab edir ki, tərəflərin istintaq orqanları avqustun 25-də azərbaycanlı sərhədçinin yaralanması ilə bağlı insidenti birgə araşdıracaq, bundan sonra yolun açılmasından danışmaq mümkün olacaq.
Xatırladaq ki, avqustun 25-də axşam Azərbaycan Qorus-Qafan yolunu bağlayıb. Azərbaycan Sərhəd Xidmətinin məlumatında sərhədçi Ruslan Şirəliyevin iki erməni tərəfindən süngü ilə yaralandığı bildirilib. Qeyd olunub ki, Azərbaycan tərəfi "adekvat tədbirlər"görəcək.-02D-
Siyasət
-
İyulun 26-da “III Respublika Platforması” bəyanat yayaraq, bu qurumun həbsdə olan rəhbəri Akif Qurbanovun azyaşlı uşaqlarının elektron cihazlarının qanunsuz ələ keçirilməsinə diqqət çəkiblər.
-
İyulun 19-dan iyulun 26-dək Xankəndidə 24 avtomat, 1 pulemyot, 9 tüfəng, 28 qumbara, 441 mərmi, 3118 müxtəlif çaplı patron və digər döyüş sursatları aşkar edilib, bu barədə Daxili İşlər Nazirliyi məlumat yayıb.
-
Prezident İlham Əliyev fərmanla müdafiə sahəsində hərbi kəşfiyyat sahəsində əməkdaşlıq haqqında Azərbaycan-Qazaxıstan hökumətlərarası sazişi təsdiq edib.
-
Bakı Ağır Cinayətlər Məhkəməsində müxalif siyasətçi Tofiq Yaqublunun məhkəməsində digər təqsirləndirilən Elnur Vaqıfoğlunun ifadəsi dinlənilib.
Rəy yaz