Bakı/20.04.17/Turan: Aprelin 21-i günorta saatlarına Milli Məclisin iclası təyin edilib. İclasda prezidentin Azərbaycan baş nazirinin təyin edilməsi haqqında təqdimatına baxılacaq. Bu barədə Turan agentliyinə adının açıqlanmasını istəməyən deputat bildirib.
Konstitusiyaya əsasən, baş nazirin namizədliyini ölkə prezidenti irəli sürür.
Baş nazir təyin edildikdən sonra dövlət başçısı hökumətin qalan üzvlərini özü təyin edir.
Baş nazir vəzifəsinə mümkün namizədlə bağlı heç bir rəsmi şərh verilmir.
Şaiyələrə əsasən, 1996-cı ildən bu vəzifəni tutan 83 yaşlı Artur Rasizadə baş nazir qoltuğunu tərk edir. Yenə şaiyələrə görə, namizədlər arasında ən çox baş nazirin birinci müavini Yaqub Eyyubovun, vergilər naziri Mikayıl Cabbarovun, baş nazirin müavini Əli Əhmədovun və bir sıra digər şəxslərin adları çəkilir. -06D-
Siyasət
-
COP29 iqlim sammitində əldə edilən razılaşma BMT Baş Katibi Antoniu Quterreş tərəfindən iqlim dəyişikliyinə qarşı qlobal səylərdə mühüm addım kimi qiymətləndirilib. Yüksək səviyyəli müzakirələrin yekununda çıxış edən Quterreş, bu razılaşmanın qlobal istiləşməni 1,5°C həddində saxlamaq məqsədini qorumaq üçün həlledici olduğunu vurğulayıb. Bu hədd iqlim dəyişikliyinin ən pis təsirlərini qarşısını almaq üçün kritik hesab olunur.
-
Noyabrın 23-də Bakıda BMT-nin İqlim Dəyişmələri üzrə Çərçivə Konvensiyasının Tərəflər Konfransının 29-cu sessiyasının (COP29) keçirildiyi məkanda müxtəlif ölkələrdən olan ekofəlallr liderlərin kifayət qədər iqlim maliyyəsi ödənilməsi barədə razılığa gələ bilməməsinə etiraz olaraq aksiya keçirib.
-
Bakıda COP29 iqlim konfransının bağlanışı ərəfəsində Beynəlxalq Jurnalistləri Müdafiə Komitəsi Azərbaycanda həbs olunmuş jurnalistlərin cinayət işlərinə diqqəti yönəldib.
-
Bakıda keçirilən BMT-nin İqlim Dəyişikliyi üzrə Çərçivə Konvensiyasının (UNFCCC) 29-cu sessiyası üzrə danışıqlar 24 noyabr tarixinə qədər uzadılıb. Bu barədə UNFCCC Katibliyindən bir mənbə Turan informasiya agentliyinə məlumat verib. Mənbənin sözlərinə görə, iştirakçılar həmin tarixə qədər yekun sənədləri razılaşdırıb imzalamağı planlaşdırırlar.
Rəy yaz